कवयित्री बहिणाबाई चौधरी उत्तर महाराष्ट्र विद्यापीठात MSW अभ्यासक्रमासाठी सुवर्णपदक जाहीर!

कवयित्री बहिणाबाई चौधरी उत्तर महाराष्ट्र विद्यापीठात MSW अभ्यासक्रमासाठी सुवर्णपदक जाहीर!

जळगाव, दि. २२ (प्रतिनिधी): कवयित्री बहिणाबाई चौधरी उत्तर महाराष्ट्र विद्यापीठाच्या समाजकार्य (M.S.W.) पदव्युत्तर पदवी अभ्यासक्रमात प्रथम येणाऱ्या विद्यार्थ्यांसाठी आता ‘स्व. शिवराम दिला पाटील व स्व. शांताबाई शिवराम पाटील स्मृती सुवर्णपदक’ प्रदान करण्यात येणार आहे.

या सुवर्णपदकासाठी आवश्यक असलेला धनादेश जळगाव येथील प्रा. डॉ. पी.एस. पाटील (समाजकार्य महाविद्यालय, अमळनेर) यांनी स्व. शिवराम दिला पाटील व स्व. शांताबाई शिवराम पाटील यांच्या स्मृतीप्रीत्यर्थ विद्यापीठास २१ जुलै, २०२५ रोजी कुलगुरू प्रा. व्ही.एल. माहेश्वरी यांच्याकडे सुपूर्द केला.

या प्रसंगी प्र-कुलगुरू प्रा. एस.टी. इंगळे, प्रा. डॉ. पी.एस. पाटील, डॉ. सौ. कविता पाटील, प्रा. जगदीश सोनवणे, प्रा. आशुतोष पाटील, प्रा. समीर नारखेडे आणि वित्त व लेखाधिकारी सीए रवींद्र पाटील हे उपस्थित होते.

या पुढाकारामुळे समाजकार्य अभ्यासक्रमातील विद्यार्थ्यांना शैक्षणिक उत्कृष्टतेसाठी प्रोत्साहन मिळेल आणि स्वर्गीय शिवराम दिला पाटील व शांताबाई शिवराम पाटील यांच्या स्मृतींना आदरांजली वाहिली जाईल. विद्यापीठाच्या या निर्णयाचे सर्व स्तरांतून स्वागत होत आहे.