चोपडा तहसील कार्यालयाच्या महसूल अधिकाऱ्यांचा सन्मान

चोपडा तहसील कार्यालयाच्या महसूल अधिकाऱ्यांचा सन्मान
ई चावडी योजनेमध्ये सर्वाधिक शंभर टक्के वसुली

चोपडा प्रतिनिधी
जिल्हाधिकारी कार्यालय जळगाव येथील नियोजन समिती सभागृहात दिनांक 25 एप्रिल 2025 रोजी जिल्ह्यातील उत्कृष्ट कामकाज करणाऱ्या महसूल अधिकाऱ्यांचा सन्मान आयोजित करण्यात आला . कार्यक्रमाचे अध्यक्षस्थानी पालकमंत्री गुलाबराव पाटील‌ होते तसेच आमदार सुरेश भोळे,आ. किशोर पाटील , जिल्हाधिकारी आयुष प्रसाद यांची प्रमुख उपस्थिती होती…यावेळी चोपडा तहसील कार्यालयाला ई चावडी योजनेमध्ये सर्वाधिक गावांनी ऑनलाइन शंभर टक्के वसुली केली या बाबी मध्ये सर्वोत्कृष्ट पुरस्कार देण्यात आला…
तसेच ई फेरफार मध्ये चोपडा तालुक्याचा फेरफार – (नोंदणीकृत व अनोंदणीकृत , विवाद ग्रस्त व अविवादग्रस्त) मंजुरीचा कालावधी जिल्ह्यात सर्वात कमी असल्यामुळे वेळेवर फेरफार मंजुर होत असल्याकारणाने सर्वोत्तम कामगिरीबद्दल देखील गौरवण्यात आले.

त्याचप्रमाणे चोपडा तालुक्यातील नैसर्गिक आपत्ती मध्ये देखील उत्कृष्ट काम केले असून नैसर्गिक आपत्ती अंतर्गत प्राप्त सर्व अनुदानित वेळेवर व तातडीने लाभार्थ्यांना वितरित करून ई केवायसी पूर्ण केल्याबद्दल देखील प्रथम क्रमांक असल्यामुळे ट्रॉफी देऊन गौरवण्यात आले.
तिन्ही ट्रॉफी स्वीकारण्यासाठी तहसील कार्यालयाची वतीने तहसीलदार भाऊसाहेब थोरात, सचिन बांबळे, नायब तहसीलदार योगेश पाटील, मंडळ अधिकारी सर्वस्वी मनोज साळुंखे, रवींद्र माळी, अजय पावरा, बेलदार, अवल कारकून हेमंत हरपे, तलाठी भूषण पाटील, महसूल सहायक उज्वल रवराळे हे उपस्थित होते…