अंबरनाथ: केमिस्ट असोसिएशनचे मार्गदर्शन शिबिर व दिवाळी संमेलन उत्साहात

अंबरनाथ: केमिस्ट असोसिएशनचे मार्गदर्शन शिबिर व दिवाळी संमेलन उत्सहात्

अंबरनाथ प्रतिनिधी: अंबरनाथ केमिस्ट असोसिएशन तर्फे आयोजित केलेले मार्गदर्शन शिबिर व दिवाळी संमेलन आनंदी आणि उत्साही वातावरणात संपन्न झाले.

शिबिरात मार्गदर्शक म्हणून औषध निरीक्षक (D.I.) संजय राठोड आणि माजी औषध निरीक्षक (D.I.) ॲडव्होकेट विवेक चौधरी यांनी केमिस्ट बांधवांना मोलाचे मार्गदर्शन केले. कार्यक्रमात अंबरनाथ नगरपालिकेचे माजी नगराध्यक्ष आणि माजी केमिस्ट असोसिएशनचे चेअरमन सुनील चौधरी यांनी संघटित राहण्याचे आवाहन केले.

डॉ. पाल यांनी उपस्थित राहून कार्यक्रमाची शोभा वाढवली, त्याबद्दल अध्यक्ष श्री. संजय जुमानी यांनी त्यांचे आभार मानले. कार्यक्रमात अंबरनाथ केमिस्ट असोसिएशनच्या अध्यक्ष संजय जुमानी यांच्या हस्ते केमिस्ट बांधवांना दिवाळी भेटवस्तू वितरित करण्यात आली आणि सर्वांना दिवाळीच्या शुभेच्छा देण्यात आल्या.

याशिवाय, अंबरनाथचे आमदार डॉ. बालाजी किनीकर यांनी या कार्यक्रमासाठी जागा उपलब्ध करून दिल्याबद्दल संघटनेने आभार व्यक्त केले.