अंबरनाथ संगीत सभेचा शास्त्रीय गायन सोहळा रंगला

अंबरनाथ संगीत सभेचा शास्त्रीय गायन सोहळा रंगला

अंबरनाथ प्रतिनिधी

अंबरनाथ शहरातील सांस्कृतिक आणि शास्त्रीय संगीत क्षेत्रात ४० वर्षांपासून अविरत कार्यरत अग्रगण्य संस्था अंबरनाथ संगीत सभा, आपल्या कार्यकाळात अनेक संगीतप्रेमींना कलासंस्कृतीचा अनुभव देत आली आहे. संस्थेचे संस्थापक अध्यक्ष डॉ. वसंत महाजन यांचे दूरदर्शी नेतृत्व आणि अध्यक्ष श्री. प्रसाद मूडवडेक्कर यांचे प्रभावी मार्गदर्शन यामुळे शहराच्या सांस्कृतिक विकासात संस्थेने महत्त्वपूर्ण योगदान दिले आहे

अंबरनाथ आर्ट सर्कल आणि अंबरनाथ संगीत सभा यांच्या संयुक्त विद्यमाने आयोजित शास्त्रीय गायनाचा सुरेल कार्यक्रम रविवार, दि. १२ ऑक्टोबर २०२५ रोजी अंबरनाथ येथे संपन्न झाला.

या कार्यक्रमात प्रख्यात शास्त्रीय गायिका सौ. अंगिरा कोटल यांनी आपल्या मधुर आणि भावपूर्ण सादरीकरणाने रसिक प्रेक्षकांना सुरांच्या अद्भुत प्रवासात नेले. त्यांना स्वरसंवादात साथ लाभली —अनंत जोशी (हार्मोनियम) संकेत ओक (तबला) यांनी साथ दिली.

सांस्कृतिक सोहळ्यास अंबरनाथचे माजी नगराध्यक्ष आणि साहित्यिक वारसा जपणारे श्री. सुनील चौधरी उपस्थित होते. त्यांनी कार्यक्रमास शोभा आणली व सांगितले की, डॉ. श्रीकांत शिंदे साहेबांच्या दूरदर्शी नेतृत्वामुळे आणि सातत्यपूर्ण प्रयत्नांमुळे अंबरनाथमध्ये भव्य नाट्यगृह उभारण्यात आले आहे, जे अंबरनाथकरांसाठी संस्कृतीसाठी समर्पित आणि अभिमानाचे व्यासपीठ ठरणार आहे.

त्याचप्रमाणे, त्यांनी अंबरनाथ संगीत सभा सारख्या कलाविकासासाठी कार्य करणाऱ्या संस्थांना अल्प दरात नाट्यगृह उपलब्ध करून देण्याची विनंती खासदार डॉ. श्रीकांत शिंदे साहेबांपर्यंत पोहोचवण्याचे आश्वासन दिले.

खासदार डॉ. श्रीकांत शिंदे यांच्या दूरदर्शी नेतृत्वामुळे उभे राहणारे हे नाट्यगृह अंबरनाथकरांसाठी संस्कृतीचे हक्काचे व्यासपीठ ठरणार आहे