अजिंठा चौफुलीजवळ इलेक्ट्रिक डीपीला आग; अग्निशमन दलाची तत्पर कारवाई
जळगाव : शहरातील अजिंठा चौफुलीजवळील अयोध्या नगर परिसरात इलेक्ट्रिक डीपीला अचानक आग लागल्याची घटना रविवारी सकाळी घडली. सुदैवाने अग्निशमन दलाच्या तत्परतेमुळे मोठा अनर्थ टळला.
मिळालेल्या माहितीनुसार, सकाळी सुमारे ८ वाजून ४० मिनिटांनी विजय वानखेडे यांनी मोबाईलद्वारे घटनेची माहिती दिल्यानंतर अग्निशमन विभागाने तात्काळ घटनास्थळी धाव घेतली. डीपीला लागलेली आग वेगाने पसरत असल्याने परिसरात काही काळ भीतीचे वातावरण निर्माण झाले होते.
घटनास्थळी पोहोचलेल्या अग्निशमन दलाच्या पथकाने प्रसंगावधान राखत आगीवर नियंत्रण मिळवले. वाहन चालक प्रकाश चव्हाण, प्रदीप धनगर, संजय तायडे यांच्यासह फायरमन कर्मचाऱ्यांनी शर्थीचे प्रयत्न करत आग विझवली.
या घटनेत कोणतीही जीवितहानी झाली नसली तरी डीपीचे नुकसान झाल्याची प्राथमिक माहिती समोर आली आहे. आग लागण्याचे नेमके कारण अद्याप समजू शकले नसून पुढील तपास सुरू आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
