अतिवृष्टीग्रस्त शेतकऱ्यांना २ हजार २१५ कोटींचा दिलासा; ३१.६४ लाख शेतकऱ्यांना मदत

अतिवृष्टीग्रस्त शेतकऱ्यांना २ हजार २१५ कोटींचा दिलासा; ३१.६४ लाख शेतकऱ्यांना मदत

मुंबई : मे महिन्यापासून राज्यात झालेल्या अतिवृष्टीमुळे मोठ्या प्रमाणात पिकांचे नुकसान झाले होते. या पार्श्वभूमीवर राज्य मंत्रिमंडळाच्या बैठकीत ३१.६४ लाख शेतकऱ्यांना २ हजार २१५ कोटी रुपयांची मदत जाहीर करण्यात आली आहे. या बैठकीला मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार उपस्थित होते.

खरीप २०२५ मधील नुकसानीसाठी मदत व पुनर्वसन विभागाकडून शासन निर्णय प्रसिद्ध करण्यात आला आहे. पहिल्या टप्प्यात जिल्हानिहाय मदत शेतकऱ्यांपर्यंत पोहोचवली जाणार असून, दुसऱ्या टप्प्यात उर्वरित शेतकऱ्यांना मदत देण्यात येणार आहे.

जिल्हानिहाय मदत (कोटी रुपयांत)

हिंगोली : ३.०४ लाख शेतकरी बाधित; २३१.१८ कोटी मदत

बीड : १.१४ लाख शेतकरी बाधित; ५६.७४ कोटी मदत

धाराशिव : २.३४ लाख शेतकरी बाधित; १८९.६१ कोटी मदत

लातूर : ३.८० लाख शेतकरी बाधित; २.३५ कोटी मदत

नाशिक : ७,१०८ शेतकरी बाधित; ३.८२ कोटी मदत

धुळे : ७२ शेतकरी बाधित; २ लाख मदत

नंदुरबार : २५ शेतकरी बाधित; १ लाख मदत

जळगाव : १७,३३२ शेतकरी बाधित; ९.८६ कोटी मदत

अहिल्यानगर : १४० शेतकरी बाधित; ६ लाख मदत

राज्यातील तब्बल ३० जिल्ह्यांमध्ये अतिवृष्टीमुळे शेतकऱ्यांचे मोठे नुकसान झाले होते. शासनाने तातडीने दिलासा देण्यासाठी ही मदत मंजूर केली असून, उर्वरित शेतकऱ्यांसाठीचा निधी दुसऱ्या टप्प्यात जाहीर केला जाणार आहे.