अनुसूचित जमाती सुशिक्षित बेरोजगारांसाठी मोफत प्रशिक्षण

अनुसूचित जमाती सुशिक्षित बेरोजगारांसाठी मोफत प्रशिक्षण

जळगाव, ;-अनुसूचित जमाती सुशिक्षित बेरोजगारांसाठी मोफत प्रशिक्षण सुशिक्षित कौशल्य विकास, रोजगार व उद्योजकता माहिती व मार्गदर्शन केंद्रातर्फे स्पर्धा परीक्षांच्या पूर्वतयारीसाठी मोफत प्रशिक्षण आयोजित करण्यात आले आहे. हे प्रशिक्षण १ एप्रिल ते १५ जुलै २०२६ या कालावधीत एकूण साडेतीन महिन्यांसाठी राबविण्यात येणार आहे. प्रशिक्षण सत्राच्या प्रवेशाची अंतिम तारीख शुक्रवार (१० एप्रिल, २०२६) पर्यंत वाढविण्यात आलेली आहे.

या प्रशिक्षणामध्ये विविध शासकीय व निमशासकीय निवड समित्यांमार्फत घेतल्या जाणाऱ्या स्पर्धा परीक्षांची सखोल तयारी करून घेतली जाणार आहे. प्रशिक्षणादरम्यान पात्र प्रशिक्षणार्थीना उपस्थितीनुसार दरमहा रु. एक हजार विद्यावेतन देण्यात येणार आहे. प्रशिक्षण पूर्ण झाल्यानंतर चार पुस्तकांचा संच व प्रमाणपत्र प्रदान करण्यात येणार आहे.

प्रवेशासाठी उमेदवार अनुसूचित जमाती प्रवर्गातील, महाराष्ट्राचा रहिवासी, किमान दहावी उत्तीर्ण व त्याचे वय १८ वर्षे पूर्ण असणे आवश्यक आहे. इच्छुक उमेदवारांनी मुलाखतीसाठी शाळा सोडत्याचा दाखला, शैक्षणिक गुणपत्रिका, आधार कार्ड, बँक पासबुक, दोन पासपोर्ट फोटो व जातीचा दाखला (आवश्यक) यांसह मूळ व छायांकित प्रती सादर प्रशिक्षण कालावधीत राहण्याची व भोजनाची व्यवस्था उमेदवारांनी स्वतः करावयाची आहे. अधिक माहितीसाठी इच्छुकांनी कौशल्य विकास, रोजगार व उद्योजकता माहिती व मार्गदर्शन केंद्र, प्लॉट नं. २, शनि मंदिरामागे, स्टेशन रोड, पंचायत समिती जवळ, रावेर येथे संपर्क साधावा किंवा दूरध्वनी क्रमांक ०२५८४-२५१९०६ वर संपर्क करावा, असे आवाहन करण्यात आले आहे