अयोध्या–प्रयागराज महामार्गावर भीषण अपघात

अयोध्या–प्रयागराज महामार्गावर भीषण अपघात

जळगावच्या महिला भाविकाचा जागीच मृत्यू; ४२ जण जखमी

जळगाव (प्रतिनिधी) – उत्तर प्रदेशातील सुल्तानपूर जिल्ह्यात अयोध्या–प्रयागराज महामार्गावर शनिवारी पहाटे सुमारे ४ वाजेच्या सुमारास रामलला दर्शन करून परत येणाऱ्या भाविकांच्या बसला मोठा अपघात झाला. एक वेगवान आणि अनियंत्रित ट्रेलरने टूरिस्ट बसला समोरून दिलेल्या जबर धडकेत बस आणि ट्रेलर दोन्ही उलटले. या धडकेत जळगाव शहरातील पिंप्राळा परिसरातील रहिवासी छोटीबाई शरद पाटील (वय ५५) यांचा दुर्दैवी मृत्यू झाला असून ४२ पेक्षा अधिक भाविक जखमी झाले आहेत.

धरणगाव तालुक्यातील कल्याणीहोळ, तसेच पारोळा, एरंडोल, धुळे, भुसावळ येथील भाविकांनी अयोध्येत भगवान रामलला दर्शन घेतल्यानंतर प्रयागराजकडे प्रयाण केले होते. कूरेभार चौकाजवळ पोहोचताच एक वेगाने येणारा ट्रेलर नियंत्रण सुटून बसवर धडकला. धडक इतकी भीषण होती की बस आणि ट्रेलर रस्त्यावरच पलटी झाले. प्रवाश्यांचा एकमेकांवर कोसळलेला आकांत आणि दहशत वातावरण निर्माण झाले.

अपघातानंतर स्थानिक नागरिक आणि बसमधील अन्य प्रवाशांनी तातडीने बचावकार्य सुरू केले. बसमध्ये अडकलेल्या भाविकांना बाहेर काढण्यात आले. १५ जण गंभीर जखमी झाले असून सर्व जखमींना अॅम्ब्युलन्सद्वारे कूरेभार सामुदायिक आरोग्य केंद्रात घेऊन जाण्यात आले. येथे डॉ. प्रयेश दीक्षित आणि त्यांच्या टीमने तातडीने उपचार सुरू केले. उपचारादरम्यान छोटीबाई पाटील यांचा मृत्यू झाला.

कूरेभार पोलीस घटनास्थळी धावून आले. महामार्गावरील दोन्ही वाहनांचे अवशेष बाजूला करण्यासाठी क्रेन बोलावण्यात आली. सध्या अपघाताचे कारण, ट्रेलर चालकाची बेफिकीर गती किंवा दृष्टीआड झालेला अडथळा यासंदर्भात चौकशी सुरू आहे. प्रशासनाने सर्व जखमी भाविकांना आवश्यक ती मदत करण्याची हमी दिली आहे.

खमी झालेले यात्रेकरू सुरेखा दगडू पाटील (वय ४०), दगडू धुडकू पाटील (वय ४८), संगीता रवींद्र पाटील (वय ५०), रमाबाई भारत पाटील (वय ६५), अर्चना सुधाकर पाटील (वय ४२), सुमनबाई बुधा पाटील (वय ६६), संजय प्रताप पाटील (वय ६०), भारत दगडू पाटील (वय ७०), नीता महेंद्र पाटील (वय ६२) योजना पद्मसिंग पाटील (५३) पद्मसिंह हरसिंग पाटील (५८), कोकीळाबाई नाना पाटील वय (६५), आशाबाई बाळू पाटील (वय ७०), सुमित्रा भारत पाटील (वय ६३),(केसीएन)साधना राजेंद्र पाटील (वय ४८), इंदुबाई मधुकर पाटील (वय ६८), शोभा दगडू पाटील (वय ५४), साहेबराव शेनफळ पाटील (वय ६६), आशाबाई साहेबराव पाटील (वय ६१), रंजनाबाई विजय पाटील (वय ५०, सर्व रा.कल्याणीहोळ ता. धरणगाव), आशाबाई चंद्रसिंग पाटील (वय ५०), संगीता हरी पाटील (वय ४५), सुमनबाई पाटील वयसाठ भारती पाटील (वय ६०, सर्व रा. कन्हेरे ता पारोळा). सुलबाई महेंद्र राजपूत (वय ४४), अनिता सुनील पाटील (वय ४०, राहणार बाबेर ता. धुळे), कल्पना रामसिंग पाटील (वय ५५), रामसिंग दगडू पाटील (वय ६४, दोन्ही रा. फुलपाट ता. धरणगाव) निशाबाई कैलास पाटील (वय ५५), आशाबाई सुपर पाटील (वय ५० दोन्ही रा. रामेश्वर), संगीता ठाणसिंग पाटील (वय ५०, रा. वडगाव ता. पाचोरा), मंगलबाई नाना पाटील (वय ४५, रा.सारोळा ता.पाचोरा), दिपाली कैलास पाटील (वय ३६, निमगाव ता. यावल), अरुणा भारत पाटील (वय ५०) भारत पाटील (वय ५७ दोन्ही रा. मोहाडी ता. पारोळा),(केसीएन)अलका चौधरी (वय ५५ रा. पिंपळकोठा ता. एरंडोल), भारत लक्ष्मण पाटील (वय ५६), अलकाबाई भारत पाटील (वय ६०, दोन्ही रा.जवखेडा ता. एरंडोल), रत्नाताई पाटील (वय ५२, रा.नाशिक), मंदाबाई सुखदेव पाटील (वय ६०, रा.खडकी ता. एरंडोल) जनाबाई पाटील (वय ६२ रा.पुणे), वंदना पाटील (वय ६० रा. वरणगाव)