अल्पवयीन मुलीचे अमिष दाखवून अपहरण; संशयिताविरोधात गुन्हा दाखल

अल्पवयीन मुलीचे अमिष दाखवून अपहरण; संशयिताविरोधात गुन्हा दाखल

जळगाव : तालुक्यातील एका गावात राहणाऱ्या १५ वर्षीय अल्पवयीन मुलीला फूस लावून पळवून नेल्याची धक्कादायक घटना २१ मे रोजी सकाळी उघडकीस आली. या प्रकरणी २२ मे रोजी दुपारी साडेतीन वाजता जळगाव तालुका पोलीस ठाण्यात एका संशयिताविरोधात अपहरणाचा गुन्हा दाखल करण्यात आला आहे.

मिळालेल्या माहितीनुसार, पीडित मुलगी २१ मे रोजी सकाळी १० वाजता कठोरा व किनोद गावाच्या दरम्यान असलेल्या पेट्रोलपंपाजवळ होती. याच दरम्यान, विनोद प्रकाश बाविस्कर (रा. सावखेडा) या व्यक्तीने तिला काहीतरी आमिष दाखवत फूस लावून नेल्याचा आरोप आहे. मुलगी बेपत्ता असल्याचे लक्षात येताच नातेवाईकांनी तिला शोधण्याचा प्रयत्न केला, मात्र काहीही माहिती न मिळाल्याने अखेर पोलीस ठाण्यात तक्रार दाखल करण्यात आली.

तक्रारीच्या आधारे पोलिसांनी विनोद बाविस्कर याच्याविरोधात भारतीय दंड संहितेच्या संबंधित कलमान्वये अपहरणाचा गुन्हा दाखल केला असून, पुढील तपास सहाय्यक पोलीस निरीक्षक अनंत अहिरे यांच्या मार्गदर्शनाखाली सुरू आहे.