आंतरराष्ट्रीय महिला दिन’ निमित्त महिला व मुलींसाठी विशेष क्रीडा स्पर्धांचे आयोजन

‘आंतरराष्ट्रीय महिला दिन’ निमित्त महिला व मुलींसाठी विशेष क्रीडा स्पर्धांचे आयोजन

जळगाव : भारतीय क्रीडा प्राधिकरण (युवा कार्यक्रम व क्रीडा मंत्रालय, भारत सरकार) अंतर्गत कार्यरत मेरा युवा भारत केंद्र, जळगाव तसेच जिल्हा क्रीडा कार्यालय, जळगाव यांच्या संयुक्त विद्यमानेअस्मिता खेलो इंडिया उपक्रमांतर्गत ‘आंतरराष्ट्रीय महिला दिन’ निमित्त महिला व मुलींसाठी विशेष क्रीडा स्पर्धांचे आयोजन करण्यात आले आहे.स्पर्धा रविवार, दिनांक ८ मार्च २०२६ रोजी सकाळी ८.०० वाजता एकलव्य क्रीडा संकुल, एम. जे. महाविद्यालय, जळगाव येथे पार पडणार आहे.

स्पर्धांमध्ये १०० मीटर, २०० मीटर व ४०० मीटर धावण्याच्या शर्यतींसह विविध मनोरंजक खेळांचा समावेश असून १३ वर्षांखालील, १३ ते १८ वर्षे व १८ वर्षांवरील अशा तीन वयोगटांमध्ये महिला व मुलींसाठी स्पर्धा घेण्यात येणार आहेत. प्रत्येक गटातील प्रथम तीन विजेत्या स्पर्धकांना पदके प्रदान करण्यात येणार आहेत. विजेत्यांची माहिती ASMITA Khelo India उपक्रमांतर्गत मंत्रालयाकडे अहवाल स्वरूपात सादर करण्यात येणार आहे.

सर्व सहभागी स्पर्धकांनी ASMITA Khelo India पोर्टलवर नोंदणी करणे आवश्यक असून https://nsrs.kheloindia.gov.in/ या संकेतस्थळावर ऑनलाईन नोंदणी करावी. स्पर्धेच्या दिवशी सकाळी ७.३० वाजेपूर्वी उपस्थित राहून नोंदणी प्रक्रिया पूर्ण करावी, असे आवाहन करण्यात आले आहे.

जिल्ह्यातील सर्व शाळा, महाविद्यालये व महिला संघटनांनी आपल्या कार्यक्षेत्रातील जास्तीत जास्त महिला व मुलींना या उपक्रमात सहभागी करून घ्यावे व अधिक माहितीसाठी नोडल अधिकारी निलेश बाविस्कर – ७७९८२१२१५९ यांच्याशी संपर्क साधावा असे आवाहन जिल्हा युवा अधिकारी, मेरा युवा भारत केंद्र, जळगाव यांनी केले आहे.