आधारभूत किंमतीत ज्वारी खरेदीच्या नोंदणीसाठी शेतकऱ्यांची धावपळ

आधारभूत किंमतीत ज्वारी खरेदीच्या नोंदणीसाठी शेतकऱ्यांची धावपळ

ऑनलाईन नोंदणीला वेग; खरेदीचा लक्ष्यांक वाढविण्याची मागणी

जळगाव : किमान आधारभूत

किंमत (एमएसपी) अंतर्गत रब्बी हंगामातील ज्वारी खरेदीच्या नोंदणीसाठी जिल्ह्यात शेतकऱ्यांची मोठी गर्दी होत असून, यंदाही अनेक शेतकरी खरेदीपासून वंचित राहण्याची भीती व्यक्त होत आहे. गेल्या वर्षी लक्ष्यांक मर्यादित राहिल्याने सुमारे २० ते ३० टक्के शेतकऱ्यांना ज्वारी विक्रीची संधी मिळाली नव्हती. त्यामुळे यंदा सुरुवातीपासूनच नोंदणीसाठी शेतकरी मोठ्या संख्येने केंद्रांवर गर्दी करत आहेत. दरम्यान, शेतकऱ्यांकडून खरेदीचे एकूण लक्ष्यांक वाढविण्याबरोबरच हेक्टरी खरेदीचे प्रमाणही वाढविण्याची मागणी होत आहे.

सध्या खुल्या बाजारात ज्वारीला एमएसपीपेक्षा १००० ते १५०० रुपयांनी कमी दर मिळत असल्याने

शेतकऱ्यांचा कल सरकारी खरेदीकडे वाढला आहे. परिणामी पारोळा व भडगावसारख्या केंद्रांवर सुरुवातीला गोंधळाची परिस्थिती निर्माण झाली. परिस्थिती नियंत्रणात आणण्यासाठी पोलिस प्रशासनाची मदत घ्यावी लागली.

प्रशासनाने तातडीने उपाययोजना करत केंद्रांवर टोकन प्रणाली सुरू केली आहे. तसेच तहसीलदार व प्रांताधिकाऱ्यांना प्रत्यक्ष भेटी देऊन व्यवस्थापन सुधारण्याच्या सूचना देण्यात आल्या आहेत. त्यामुळे सध्या गर्दी आटोक्यात आली असून ऑनलाईन नोंदणी प्रक्रिया सुरळीत सुरू आहे. दररोज एका केंद्रावर सरासरी ६० ते ६५ शेतकऱ्यांची नोंदणी केली जात आहे.

जिल्हा प्रशासनाकडून प्राप्त निर्देशानुसार, जिल्ह्यातील १८ उपअभिकर्ता संस्थांना भरडधान्य

जिल्ह्यात ज्वारी खरेदीसाठी शेतकऱ्यांची नोंदणी सुरू आहे. केंद्रावर नोंदणी प्रक्रियेवर तहसीलदार व प्रांताधिकाऱ्यांनी भेटी दिल्या आहेत. सर्व शेतकऱ्यांच्या नोंदणीची आकडेवारी आल्यानंतर ज्वारी खरेदीच्या लक्ष्यांक वाढीबाबत योग्य तो निर्णय घेण्यात येईल.

रोहन घुगे, जिल्हाधिकारी

खरेदीसाठी मान्यता देण्यात आली आहे.

शेतकरी नोंदणीसाठी ३० एप्रिलपर्यंत कालावधी निश्चित करण्यात आला असून, या कालावधीत सर्व इच्छुक शेतकऱ्यांनी ऑनलाईन पद्धतीने नोंदणी करणे आवश्यक आहे. नोंदणी केलेल्या शेतकऱ्यांकडूनच पुढे खरेदी केली जाणार असल्याने, नोंदणीला विशेष महत्त्व देण्यात आले आहे. त्यानंतर ०१ मे ते ३० जून २०२६ या कालावधीत भरडधान्य खरेदी प्रत्यक्ष सुरू होणार आहे.