आमदार जावळे यांच्या प्रयत्नाने रोझोदा – न्हावी बस सुरु

आमदार जावळे यांच्या प्रयत्नाने
रोझोदा – न्हावी बस सुरु

सावदा : रोझोदा येथून न्हावी येथे नुकतीच एस टी बससेवा आमदार अमोल जावळे यांच्या प्रयत्नातून सुरु करण्यात आल्याने रोझोदा येथील नागरिकांकडून आनंद व्यक्त करण्यात येत आहे.
रावेर तालुक्यातील रोझोदा येथून प्रत्येक रविवार रोजी सकाळी साडे सहा वाजता तर न्हावी येथून सकाळी दहा वाजता सुटणार असून न्हावी येथे सदगुरुच्या बैठकीसाठी जाणाऱ्या साठ ते सत्तर महिलांना विविध वाहनांच्या सहाय्याने जावे लागत होते. अनेक अडचणींना त्यांना सामोरे जावे असल्याने आमदार अमोल जावळे यांच्याकडे निवेदन करुन रोझोदा ते न्हावी एस टी बसची मागणी केली असता. आमदार जावळे यांच्या प्रयत्नातून तत्काळ बस सुरु करण्यात आली आहे. रविवार दि.२१ सप्टेंबर पासून बससेवा सुरु करण्यात आली असून येथील लोकशिक्षण मंडळाचे उपाध्यक्ष रमेश महाजन यांच्या बसचे पूजन करण्यात आले. श्रीराम मंदिर व कामसिध्द मंदिर विश्वस्त मंडळाचे अध्यक्ष विजय राघव महाजन, सरपंच पुष्कर फेगडे, ग्रामपंचायत सदस्य नारायण राणे, माजी सरपंच दिपक धांडे, सुनिल फेगडे, नितीन भंगाळे, राजेंद्र चौधरी, रोशन सरोदे, भूषण राणे, मोहन चौधरी, शंकर पाटील, अमोल धांडे, मनोज फेगडे, ज्ञानदेव चौधरी, राजू पाटील, दिपक महाजन, हर्षल सरोदे, बसचे चालक, वाहक यासह सदगुरुच्या बैठकीला बसने जाणाऱ्या चाळीस महिला यावेळी उपस्थित होत्या. रावेर पंचायत समितीचे माजी सभापती डाँ. मिलींद दयाराम वायकोळे व सुमन शालिकराम चौधरी यांचे बस सुरु योगदान लाभले.