कामांच्या दिरंगाईवरून आमदार चंद्रकांत सोनवणे यांनी विविध विभागाच्या अधिकाऱ्यांना धरले धारेवर !

कामांच्या दिरंगाईवरून आमदार चंद्रकांत सोनवणे यांनी विविध विभागाच्या अधिकाऱ्यांना धरले धारेवर !

आमदारांनी घेतली चोपडा व यावल तालुकास्तरीय शासकीय अधिकाऱ्यांची आढावा बैठक

चोपडा l प्रतिनिधी

आमदार प्रा. चंद्रकांत बळीराम सोनवणे यांच्या अध्यक्षतेखाली चोपडा नगर परिषदेच्या छत्रपती शिवाजी महाराज सभागृहात दि. १० जानेवारी रोजी सकाळी ११ वाजता चोपडा व यावल तालुकास्तरीय शासकीय अधिकाऱ्यांची आढावा बैठक आयोजित करण्यात आली.या बैठकीत विविध विषयांवर चर्चा करण्यात येऊन आमदार चंद्रकांत सोनवणे यांनी विविध विभागांच्या अधिकाऱ्यांना धारेवर धरून प्रलंबित कामे वेळेत पूर्ण करण्याचे आदेश दिले.

विशेषतः बांधकाम उपअभियंता वीरेंद्र राजपूत यांची चांगलीच कानउघाडणी केली. आमदार सोनवणे यांनी काल बऱ्हाणपूर अंकलेश्वर रस्त्याच्या दुरुस्ती कामांची पाहणी केली होती. त्यावरून उप अभियंत्यांना आमदारांच्या रोषाला सामोरे जावे लागले.

याप्रसंगी उया आढावा बैठकीत भाऊसाहेब थोरात तहसिलदार , मोहन माला नाझरकर तहसिलदार यावल , आण्णासाहेब घोलप उपविभागीय पोलिस अधिकारी , राहुल पाटील मुख्य अधिकारी चोपडा न पा , उपजिल्हा रुग्णालय येथील डॉ सुरेश पाटील , महेंद्र पाटील आगार प्रमुख , दिपक साळुंखे कृषी अधिकारी , कविता सुर्वे शिक्षण अधिकारी , , विरेंद्र राजपुत , जे एस तडवी सार्वजनिक बांधकाम विभाग , प्रदिप लासुरकर तालुका आरोग्य अधिकारी , किशोर सपकाळे BDO पंचायत समिती यावल व इतर अधिकारी उपस्थित होते

यावेळी आमदार चंद्रकांत सोनवणे यांनी बांधकाम विभागाच्या उप अभियंता वीरेंद्र राजपूत यांना चांगलेच धारेवर धरून बांधकाम विभागाच्या कामांमध्ये दिरंगाईपणा सुरू असल्याच्या तक्रारी प्राप्त झाल्याचे सांगून कामांमध्ये सुधारणा करण्याच्या सूचना आमदार चंद्रकांत सोनवणे यांनी दिल्या. यावेळी आमदार चंद्रकांत सोनवणे यांनी विविध विभागांचा आढावा घेऊन त्या त्या अधिकाऱ्यांना आदेश देऊन तत्परतेने कामे करण्याच्या सूचना दिल्या.

आमदार चंद्रकांत सोनावणे यांनी विविध विभागांना केलेल्या सूचना

सर्व अधिकाऱ्यांनी आपल्या मुख्य अधिकारांकडे रिक्त जागांचा संबंधित पाठपुरावा करावा
सर्व पोलीस ठाण्यात वाहने बाबत व रिक्त जागांन बाबत वरिष्ठांना प्रस्ताव पाठवा
चोपडा तालुक्यातील जनतेत शांतता राहवी व चोऱ्या होणार नाहीत याची दक्षता घ्यावी
उपजिल्हा रुग्णालय
सिझरसाठी पेशंट जळगावला पाठवू नये
H M P V साठी काय उपाय योजना केल्यात
कर्मचारी निवासस्थानी बांधकाम सुरु करावेत
प्राथमिक आरोग्य केंद्र
प्राथमिक आरोग्य केंद्रात औषधी पुरवठा विभागात साथ रोगाचा पार्शभूमिवर औषधीचा तुटवळा भासणार नाही तसेच एक्सपायरी दिनांक तपासा
यावल प्रकल्प अधिकारी
शासकिय आश्रम शाळेत इंग्रजी माध्यमातून शिक्षण द्यावे
चोपडा शहरातील मुंलीचे वस्तीगृह बांधकाम मोजणी करून तात्काळ सुरु करावे
आदिवासी गांवानमध्ये सर्व पद अधिकारी संमेत पेसा गावास्तरावर बैठका घ्याव्यात
आदिवासी बांधवांना चांगल्या आरोग्य सुविधा साठी जिल्हा वाणिज्य योजनेतून ॲम्बुलंस खरेदी कराव्यात
रस्त्यांचे कामे दर्जेदार करावेत
चोपडा शहरात पाणी पुरवठा हात्यातील आठ कालवधी 2 दिवसांनी कमी करावा
सार्वजनिक बांधकाम विभाग
दोषदायित्व कालावधीत ज्यांचा कडे शिल्लक असलेल्या रस्त्यांची दुरुस्थी करावी
200 खाटांचे रुग्णालयचे अंदाजपत्रक तात्काळ तयार करण्यात यावे
अंकलेश्वर ब्रहानपूर रस्त्यावरील पुलांची तात्काळ दुरुस्ती करावी
आवश्यक गावांना सामूहिक पाणीपुरवठा योजना घ्याव्यात
वनविभागने डिंकासाठी झाडांना जे इंजेक्शन दिले जातात त्यावर निर्बंध घालावेत
तसेच वृक्षतोड होणार नाही याची दक्षता घ्यावी
उत्पादन शुल्क इमारत बांधकाम तात्काळ मार्गी लावेत
मध्य प्रदेशातील अवैध दारू येणार नाही याची दक्षता घ्यावी