आमदार सौ लताताई सोनवणे व माजी आमदार प्रा. चंद्रकांत सोनवणे यांच्या हस्ते साहित्यिक पोलीस विनोद अहिरे यांचा सत्कार

आमदार सौ लताताई सोनवणे व माजी आमदार प्रा. चंद्रकांत सोनवणे यांच्या हस्ते साहित्यिक पोलीस विनोद अहिरे यांचा सत्कार

साहित्यिक व लेखक पोलीस विनोद अहिरे यांचा आमदार दाम्पत्यांच्या हस्ते सत्कार

जळगांव l प्रतिनिधी

जळगाव जिल्हा पोलीस मुख्यालयात कार्यरत असलेले पोलीस नाईक विनोद अहिरे यांची ड्युटी चोपडा विधानसभा मतदारसंघाच्या सदस्या सौ लताताई चंद्रकांत सोनवणे यांच्या निवासस्थानी आहे.

त्यांचे नुकतेच काळजातील पोलीस महासंचालक हे पुस्तक प्रकाशित झालेले आहे. सदर पुस्तकास महाराष्ट्रभरातून प्रतिसाद मिळत आहे.

याच काळात त्यांची ड्युटी आ. सौ लताताई सोनवणे यांच्या निवासस्थानी असताना त्यांची साहित्याची गोडी लक्षात घेता माजी आ. प्राध्यापक चंद्रकांत बळीराम सोनवणे यांनी त्यांना आपले अँटी चेंबर वाचनासाठी व लेखनासाठी उपलब्ध करून दिले.

या पुस्तकाचे 80 टक्के लेखन अहिरे यांनी याच अँटी चेंबर मध्ये केलेले आहे. तसा उल्लेख त्यांनी पुस्तकातील आपल्या मनोगतात व्यक्त केलेला आहे.

त्यांचे या पूर्वी मृत्यू घराचा पहारा व हुंकार वेदनेचा या पुस्तकांचे यापूर्वी प्रकाशनही झालेला आहे.

अशा या साहित्यिक व लेखक पोलीस नाईक विनोद अहिरे यांचा सत्कार आ. सौ लताताई चंद्रकांत सोनवणे व माजी आ. प्राध्यापक चंद्रकांत बळीराम सोनवणे यांनी केला.

या प्रसंगी यावल कृषी उत्पन्न बाजार समितीचे संचालक सूर्यभान पाटील सर व चोपडा येथील लाडकी बहीण योजनेचे सदस्य विकास पाटील, कैलास बाविस्कर आदी मान्यवर उपस्थित होते.