आम्ही भडगावकर ग्रुपतर्फे विवध मागण्यांचे तहसिलदार, पोलीस निरीक्षकांना निवेदन

आम्ही भडगावकर ग्रुपतर्फे विवध मागण्यांचे तहसिलदार, पोलीस निरीक्षकांना निवेदन

भडगाव – (प्रतिनिधी)

भडगांव शहरातील विविध मागण्या शासन स्तरावरुन त्वरीत पुर्ण करण्याबाबत आज तहसिलदार व पोलीस निरीक्षक यांना आम्ही भडगावकर यांच्यातर्फे लेखी निवेदन देण्यात आले. तसेच सदर मागण्यांचा दि. २३ एप्रिल पर्यन्त कोणताही विचार होऊन निर्णय न झाल्यास दि.२४ एप्रिल शुक्रवारी रोजी छत्रपती शिवाजी महाराज चौकात आम्ही भडगांवकरांतर्फे रास्ता रोका करण्यात येईल असा इशारा निवेदनाद्वारे देण्यात आला. निवेदनात म्हटले आहे की, खालील काही नमुद मागण्या या वर्षानु वर्षापासुन प्रलंबीतअसुन शासन स्तरावर त्या लाल फितीत अडकलेल्या आहेत. त्यांच्या पुर्णत्वासाठी आम्हास भडगांव जनतेस फक्त आश्वासन मिळत आहे. तरी आमच्या मागण्या त्वरीत पुर्ण करण्यात याव्यात यात शासन स्तरावर भडगांव येथे प्रस्तावीत असलेले आदिवासी विकास प्रकल्प उपकार्यालय हे लवकरात लवकर सुरु करुन आदिवासी बांधवांची असुविधा व हाल अपेष्टा त्वरीत थांबविण्यात
याव्यात, भडगांव येथे तहसिल कार्यालयाचे छत्रपती शिवाजी महाराज चौकापर्यन्त असलेल्या शासकीय जागेत नवीन प्रशासकीय इमारत उभारुन तेथेच छत्रपती शिवाजी महाराज यांचा अश्वारुढ पुतळा, महात्मा फुले यांचे स्मारक भारतीय संविधानाचे शिल्पकार डॉ. बाबासाहेब आंबेडकर यांचे स्मारक व मा. जिवाजी महाले यांचे स्मारक तयार करण्यात यावे,

शासन दरबारी २०२३ पासुन प्रस्तावीत असलेल्या एस.टी. डेपो भडगांव येथे त्वरीत सुरु करण्यात यावे या मागण्या असुन आहेत. दरम्यान २३ एप्रिल पर्यन्त कोणताही विचार होऊन निर्णय न झाल्यास दि. २४ रोजी छत्रपती शिवाजी महाराज चौकात आम्ही भडगांवकरांतर्फे रास्ता रोको करण्यात येईल याची नोंद घ्यावी, असा इशारा देण्यात आला आहे.