आयएमएचा पदग्रहण सोहळा उत्साहात
डॉ. बोरोले, डॉ. शाह यांनी स्वीकारली सूत्रे
जळगाव ;- येथील इंडियन मेडिकल असोसिएशन अर्थात आयएमए जळगाव शाखेचा पदग्रहण सोहळा उत्साहात संपन्न झाला. या सोहळ्यात नूतन अध्यक्ष डॉ. धनंजय बोरोले, सचिव डॉ. पंकज शाह यांनी पदाची सूत्रे स्वीकारली.
नवीपेठेतील आयएमएच्या सभागृहात झालेल्या सोहळ्यास आयएमए महाराष्ट्र राज्याच्या प्रेसिडेंट इलेक्ट डॉ. मंजू गिरी यांची प्रमुख अतिथी म्हणून व डॉ. उल्हास पाटील, डॉ. अनिल पाटील, डॉ. विलास भोळे, डॉ. स्नेहल फेगडे, डॉ. राजेश पाटील यांची प्रमुख उपस्थिती होती. नूतन कार्यकारणीत उपाध्यक्ष डॉ. विनोद बाविस्कर, कोषाध्यक्ष डॉ. पंकज पाटील, सहसचिव डॉ. सुशीलकुमार राणे, डॉ. धीरज चौधरी, मावळते अध्यक्ष डॉ. शशिकांत गाजरे, मावळते सचिव डॉ. भरत बोरोले यांच्यासह सहा कार्यकारी मंडळ सदस्य व तीन सदस्यांचा सल्लागार म्हणून समावेश आहे.
प्रमुख अतिथी डॉ. गिरी यांच्यासह मान्यवरांनी मार्गदर्शन केले. डॉ. गाजरे व डॉ. भरत बोरोले यांनी केलेल्या कार्याचा आढावा सादर केला. नूतन अध्यक्ष व सचिवांनी आगामी वर्षाचा संकल्प व कार्याची दिशा स्पष्ट केली. सूत्रसंचालन डॉ. प्रीती जोशी यांनी केले. यशस्वीतेसाठी डॉ. रूपाली बेंडाळे, डॉ. नीलम पाटील, डॉ. तुषार बेंडाळे, डॉ. सुशीलकुमार राणे, डॉ. सचिन देशमुख, डॉ. दर्शना शाह यांच्यासह आयएमएच्या सर्व सदस्यांनी परिश्रम घेतले.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
