आ. मंगेश चव्हाण यांच्यावर केरळ मधील नेय्याट्टिनकारा विधानसभा क्षेत्राची जबाबदारी
चाळीसगाव : केरळ विधानसभा निवडणुकीच्या पार्श्वभूमीवर भाजपने संघटनात्मक पातळीवर हालचालींना वेग दिला असून, आ. मंगेश चव्हाण यांच्यावर नेय्याट्टिनकारा विधानसभा क्षेत्राची जबाबदारी सोपवली आहे. सध्या आ. मंगेश चव्हाण हे पक्षाचे प्रदेश चिटणीस म्हणून कार्यरत आहेत. यापूर्वीही देशातील विविध राज्यांतील विधानसभा निवडणुकांमध्ये त्यांनी प्रभावीपणे संघटनात्मक जबाबदाऱ्या सांभाळल्या आहेत. त्यांचा अनुभव लक्षात घेऊनच पक्षाने
ही महत्त्वाची जबाबदारी त्यांच्यावर सोपवल्याचे मानले जात आहे. देवभूमी म्हणून जाणाऱ्या ओळखल्या केरळमध्ये निवडणुकीच्या अनुषंगाने ते नुकतेच तिरुवनंतपुरम विमानतळावर दाखल झालेत. पुढील काही दिवस ते नेय्याट्टिनकारा मतदारसंघात दौरा करणार आहेत. या काळात ते स्थानिक पदाधिकारी, कार्यकर्ते तसेच नागरिकांशी संवाद साधून
पक्ष संघटन अधिक मजबूत करण्यावर भर देणार आहेत. केरळमध्ये भाजपची विचारधारा रुजवण्यासाठी अनेक कार्यकर्त्यांनी संघर्ष केला असून, त्यांच्या त्यागातूनच पक्षाची पायाभरणी भक्कम होत आहे. या कार्यकर्त्यांच्या योगदानाला अभिवादन करत त्यांच्या स्वप्नपूर्तीसाठी सर्वांनी एकजुटीने काम करण्याची गरज असल्याचेही आ. चव्हाण यांनी नमूद केले.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
