उंदीरखेडा शिवारातून गायी, म्हशींची चोरी

उंदीरखेडा शिवारातून गायी, म्हशींची चोरी
पारोळा प्रतिनिधी
तालुक्यातील उंदीरखेडा शिवारातून २९ रोजी मध्यरात्रीच्या सुमारास अज्ञात चोरट्यांनी ५२ हजार रुपये किमतीच्या ५ गाई व म्हशी चोरुन नेल्याची घटना घडली आहे. उंदीरखेडा येथील राजेंद्र काशिनाथ निकम व पंढरीनाथ पाटील हे नेहमीप्रमाणे उंदीरखेडा शिवारात असलेल्या शेतामध्ये गुरांना चारा पाणी करून घरीआले.

दुसऱ्या दिवशी सकाळी पुन्हा गुरांकडे गेले असता त्या ठिकाणी गुरे नसल्याचे स्पष्ट झाले. या ५ गुरांमध्ये ३ जर्सी गाय, एक गोऱ्हा व एक म्हैस अज्ञात चोरट्याने चोरून नेली आहे. सुमारे ५२ हजार रुपये किमतीच्या हे पशुधनाची चोरी झाल्याबाबत पारोळा पोलीस स्टेशनला गुन्हा दाखल करण्यात आला आहे.