उन्हाळी सुट्यांसाठी विशेष रेल्वे धावणार जळगावसह विविध मार्गांवर १४८४ फेऱ्यांची घोषणा

उन्हाळी सुट्यांसाठी विशेष रेल्वे धावणार
जळगावसह विविध मार्गांवर १४८४ फेऱ्यांची घोषणा

जळगाव : उन्हाळी सुट्यांच्या पार्श्वभूमीवर प्रवाशांची वाढणारी गर्दी लक्षात घेऊन मध्य रेल्वे प्रशासनाने विशेष रेल्वे गाड्या चालविण्याचा निर्णय घेतला आहे. या निर्णयामुळे जळगावसह राज्यातील विविध शहरांतील प्रवाशांना मोठा दिलासा मिळणार असून सुट्यांच्या काळात प्रवास अधिक सुलभ होण्याची अपेक्षा व्यक्त होत आहे.

रेल्वे प्रशासनाने एकूण १४८४ फेऱ्यांचे नियोजन केले असून त्यात ७४९ आरक्षित तर ७३५ अनारक्षित विशेष गाड्यांचा समावेश आहे. या विशेष गाड्या मुंबई–दौंड–सोलापूर, पुणे–कोल्हापूर, नाशिक रोड–बडनेरा, हडपसर–हरंगुळ, मुंबई–बलिया, मुंबई–गोरखपूर, दौंड–कलबुर्गी तसेच सोलापूर–कलबुर्गी या मार्गांवर चालविण्यात येणार आहेत. उन्हाळी सुट्यांमध्ये होणारी प्रवाशांची गर्दी आणि त्यातून निर्माण होणारी गैरसोय टाळण्यासाठी रेल्वे प्रशासनाने हे नियोजन केले आहे.