एलपीजी गॅस बुकिंगसाठी आता ई-केवायसीची सक्ती

एलपीजी गॅस बुकिंगसाठी आता ई-केवायसीची सक्ती

प्रतिनिधी जळगाव
केंद्र सरकार आणि तेल कंपन्यांनी एलपीजी गॅस बुकिंगचे नवे नियम लागू केले आहेत. नवीन नियमांनुसार, गॅसधारकांसाठी आधार बायोमेट्रिक ई-केवायसी बंधनकारक करण्यात आले आहे. ज्या ग्राहकांनी ही प्रक्रिया पूर्ण केली नाही, त्यांचे गॅस बुकिंग थांबवले जाऊ शकते किंवा त्यांना सिलिंडर मिळण्यात अडचणी येऊ शकतात.

सरकारने हा निर्णय बोगस गॅस कनेक्शन आणि चुकीच्या पद्धतीने होणाऱ्या बुकिंगला आळा घालण्यासाठी घेतला आहे. अनेक ठिकाणी एकाच व्यक्तीच्या नावावर एकापेक्षा जास्त कनेक्शन असल्याचे किंवा व्यावसायिक वापरासाठी घरगुती सिलीडरचा वापर होत आहे. या सर्वांना आळा घालण्यासाठी ईण्डेन , भारत गॅस , आणि एच पी गॅसने आता आधार केवायसी अनिवार्य केले आहे.

एलपीजी गॅससाठी केवायसी प्रक्रिया सोपी आहे . जवळच्या गॅस एजन्सी किंवा वितरकाकडे जाऊन आधार क्रमांक द्यावा , नंतर बायोमेट्रिक (फिंगरप्रिंट) व्हेरिफिकेशन करावे किंवा संबंधित कंपनीच्या अधिकृत वेबसाइट , मोबाइल अॅपवर लॉग इन करून आधार लिंक करावा ओटीपीद्वारे पडताळणी पूर्ण करावी सरकारच्या या नव्या नियमामुळे भविष्यात गॅस वितरण प्रणाली पारदर्शक आणि सुरक्षित होण्याची अपेक्षा आहे. ग्राहकांनी अडचण टाळण्यासाठी लवकर ही प्रक्रिया पूर्ण करण्याचे आवाहन करण्यात आले आहे.