एसएसएमएम महाविद्यालयात जिल्हास्तरीय मैदानी स्पर्धा 

एसएसएमएम महाविद्यालयात जिल्हास्तरीय मैदानी स्पर्धा 

पाचोरा  प्रतिनिधी
१७, १८, १९ ऑक्टोबर अशा तीन दिवसांपासून सुरू असलेल्या शालेय जिल्हास्तरीय मैदानी स्पर्धा उत्साहात संपन्न झाल्या सदर स्पर्धांचे आयोजन पाचोरा तालुका सहकारी शिक्षण संस्था संचलित एस एस एम एम महाविद्यालय पाचोरा यांच्यातर्फे करण्यात आले होते. जिल्हा भरात सुरू असलेल्या शासकीय शालेय स्पर्धा सध्या सुरू आहेत आणि त्यातीलच जिल्हास्तरीय मैदानी स्पर्धेचे आयोजन करण्याचा मान हा पाचोरा तालुका सहकारी शिक्षण संस्था संचलित एस एस एम एम महाविद्यालय पाचोरा यांना मिळाला. १७ ऑक्टोबर रोजी या स्पर्धेचे उद्घाटन चेअरमन पाचोरा तालुका सहकारी शिक्षण संस्थेचे चेअरमन संजय ओंकार वाघ, व्हा चेअरमन विलास जोशी, प्राचार्य डॉ. शिरीष पाटील, उप प्राचार्य डॉ. वासुदेव वले, उपप्राचार्य डॉ. जे. व्ही. पाटील, कनिष्ठ महाविद्यालयाचे उप प्राचार्य प्रा. एस. एस. पाटील, पर्यवेक्षक डॉ. प्रा. जे. पी. बडगुजर , माध्यमिक पतपेढीचे सचिव भावेश अहिरराव, तालुका क्रीडा समनव्यक व क्रीडा शिक्षक प्रा. गिरीष पाटील व इतर मान्यवरांच्या हस्ते मैदानाचे पूजन करून स्पर्धेची सुरुवात केली सदर स्पर्धेत जवळजवळ १५० शाळा व १०० महाविद्यालय यातील एकूण ९०० मुले व ७०० मुली खेळाडूंनी सहभाग नोंदवीला सदर स्पर्धेत जिल्हा भरातील शाळांनी उत्कृष्ट प्रतिसाद नोंदविला सदर स्पर्धेच्या यशस्वीतेसाठी पंच म्हणून जळगाव जिल्हा ॲथलेटिक्स असोसिएशनचे तांत्रिक समिती प्रमुख जी. सी. पाटील (जामनेर), राहुल साळुंखे (चाळीसगाव), गणेश पाटील, एस. के. पाटील, प्रा. वाल्मीक पाटील, सुभाष राठोड, प्रा. प्रशांत शिरोडे, अझर खान, सादिक शेख, नितीन पाटील, गजानन ठाकूर, राजपूत, स्वप्नील बागुल, राहुल तांबे, गणेश मोरे, अमोल धनगर (सर्व पंच पाचोरा तालुका) रवींद्र महाजन व प्रेमचंद चौधरी (भडगाव) नरेंद्र महाजन (चोपडा), ललित सोनवणे, (चोपडा) प्रा. ऋतुजा जोशी व इतर क्रीडा शिक्षक व महाविद्यालयाचे खेळाडू यांनी पंच म्हणून कामगिरी पार पाडली. स्पर्धा यशस्वीतेसाठी महाविद्यालयातील खेळाडू यांनीही मदत केली . व स्पर्धा सर्व शांततेत पार पाडल्या. तसेच निवृत्ती क्रीडा शिक्षक बी. के. पाटील व संजय दत्तू यांना क्रीडा महासंघाकडून सन्मानित केले. तसेच भावेश अहिरराव याच्या कडून क्रीडा महासंघ सभासद यांना ट्रॅक सूट व लोहार स्पोर्ट्स जळगाव यांच्या कडून सर्व पंचांना टीशर्ट देण्यात आले. तसेच या तीन दिवशीय मैदानी स्पर्धेत तालुका क्रीडा अधिकारी जगदिश चौधरी, राज्य क्रीडा मार्गदर्शक शिवछत्रपती क्रीडा पुरस्कार्थी किशोर चौधरी, महाराष्ट्र ॲथलेटिक्स असोसिएशनचे उपाध्यक्ष राजेश जाधव, जिल्हा ॲथलेटिक्स असोसिएशनचे उपाध्यक्ष प्रा. इकबाल मिर्झा, सचिन महाजन, निलेश पाटील, प्रा. हरीश शेळके, जितेंद्र शिंदे, विजय विसपुते, एम. एम. कॉलेजचे माजी क्रीडा संचालक प्रा. मालोजीराव भोसले व एम. एम. ज्युनियर कॉलेजचे माजी क्रीडा संचालक प्रा. वाय. ओ पाटील यांनी भेट दिली तसेच कन्या माध्यमिक व उच्च माध्यमिक शाळेच्या मुख्याध्यापिका उज्वला देशमुख, न्यू बुरहानी इंग्लिश मेडिअम स्कुलचे मुख्याध्यापक ज्ञानेश्वर देवरे, एरंडोल तालुका क्रीडा समन्वयक प्रा. मनोज पाटील, धरणगाव तालुका क्रीडा समन्वयक सचिन सुर्यवंशी, चाळीसगाव तालुका क्रीडा समन्वयक अजय देशमुख, मुक्ताईनगर तालुका क्रीडा समन्वयक संजीव वाधे, चोपडा तालुका क्रीडा समन्वयक राजेंद्र अल्लाट, यावल तालुका क्रीडा समन्वयक दिलीप संगीले, भडगाव तालुका क्रीडा समन्वयक डॉ. सचिन भोसले, या मान्यवरांनी भेट दिली. सुभाष राठोड यांनी सुत्रसंचलन केले व प्रा. गिरीष पाटील यांनी आभार मानले.