कंजरवाड्यात हातभट्टी दारूचा अड्डा उध्वस्त

कंजरवाड्यात हातभट्टी दारूचा अड्डा उध्वस्त

एमआयडीसी पोलिसांची कारवाई

जळगाव प्रतिनिधी कंजरवाडा येथे एमआयडीसी पोलिसांनी बुधवारी दि. २७ ऑगस्ट रोजी सकाळी ११ वाजता गावठी हातभट्टी दारूचे सुमारे ३ हजार लिटर कच्चे रसायन नष्ट केले. सहाय्यक पोलीस निरीक्षक गणेश वाघ यांच्या नेतृत्वाखाली ही कारवाई करण्यात आली असून, काही आरोपी घटनास्थळावरून पळून जाण्यात यशस्वी झाले आहेत.

पोलिसांना कंजरवाडा परिसरात मोठ्या प्रमाणावर हातभट्टी दारू तयार केली जात असल्याची गुप्त माहिती पोलिसांना मिळाली होती. या माहितीच्या आधारे सहाय्यक पोलीस निरीक्षक गणेश वाघ यांनी पोलीस हेड कॉन्स्टेबल चंद्रकांत पाटील, किशोर निकुंभ, पोलीस नाईक आकाश राजपूत, रितेश वंजारी, कविता गवई यांच्या पथकामार्फत कंजरवाडा येथील बीट क्रमांक १ येथे सापळा रचून कारवाई केली. पोलिसांना पाहून काही आरोपी घटनास्थळावरून

पळून गेले. मात्र, पथकाने मोठ्या प्रमाणावर दारू तयार करण्यासाठी वापरले जाणारे अडीच ते तीन हजार लिटर कच्चे रसायन व इतर साहित्य जागेवरच नष्ट केले. कारवाईत दोन ते तीन महिला पुरुषांना पोलिसांनी ताब्यात घेतले आहे. त्यांच्यावर एमआयडीसी पोलीस ठाण्यात गुन्हा दाखल करण्यात आला आहे. या धडक कारवाईमुळे अवैध दारू तयार करणाऱ्यांचे धाबे दणाणले असून परिसरात एकच खळबळ उडाली