कर्जाने-धवली पूल व कर्जाने-बोरमळी रस्त्याला अखेर मंजुरी
निधी मिळाल्याने अडथळे दूर; आ. प्रा. चंद्रकांत सोनवणे यांच्या थुराव्याला यश
चोपडा (प्रतिनिधी) :कर्जाने ते धवली पूल आणि कर्जाने ते बोरमळी रस्ता या महत्त्वाच्या कामांना अखेर मंजुरी मिळाली असून, निधी उपलब्ध झाल्याने रखडलेली कामे आता मार्गी लागण्याचा मार्ग मोकळा झाला आहे.
प्रशासकीय अडथळ्यांमुळे विलंब
जानेवारी २०२३ मध्ये माजी आमदार लता सोनवणे यांनी आदिवासी विकासमंत्री विजयकुमार गावीत यांच्याकडे या कामांसाठी प्रस्ताव सादर केला होता. मात्र वन विभागाची नाहरकत न मिळाल्याने ही कामे दीर्घकाळ प्रलंबित राहिली.
निधी परत गेल्याने कामे ठप्प
वन विभागाची परवानगी मिळाल्यानंतरही शासनाकडे निधी परत गेल्यामुळे प्रत्यक्ष कामांना सुरुवात होऊ शकली नव्हती. त्यामुळे स्थानिक नागरिकांमध्ये नाराजी होती.
पाठपुराव्याला यश
यानंतर आ. प्रा. चंद्रकांत सोनवणे यांनी आदिवासी विकासमंत्री अशोक उईके यांच्याकडे सातत्याने पाठपुरावा केला. सप्टेंबर व नोव्हेंबर महिन्यात पत्रव्यवहार करून निधी मंजुरीसाठी प्रयत्न करण्यात आले.
कामांना मिळणार गती
सदर पाठपुराव्याला अखेर यश आले असून, आवश्यक निधी मंजूर झाला आहे. त्यामुळे सर्व प्रशासकीय अडथळे दूर होऊन लवकरच कामांना गती मिळणार असल्याचे स्पष्ट झाले आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
