कवयित्री बहिणाबाई चौधरी जयंती व स्वा. सै. ज.सु.खडके पुण्यतिथी साजरी

जळगाव ;- लोक शिक्षण मंडळ जळगाव संचलित  स्वा. सै. ज. सु .खडके प्राथमिक विद्यामंदिर जळगाव कवयित्री बहिणाबाई चौधरी यांची जयंती व ज.सु. खडकेजी यांची पुण्यतिथी साजरी करण्यात आली.

शाळेचे मुख्याध्यापक संजय पाटील  व ज्येष्ठ शिक्षक श्री पवार सर श्रीमती धुमाळ मॅडम  यांच्या हस्ते बहिणाबाई चौधरी व कै. ज.सु.खडकेजी यांच्या प्रतिमेचे  प्रतिमापूजन व दीप प्रज्वलन घेण्यात आले. कार्यक्रमाचे प्रास्ताविक शाळेचे उपशिक्षिक तडवी सर यांनी केले.श्री. पवार सर यांनी शाळेचे आधारस्तंभ कै. ज.सु.खडकेजीच्या कार्याविषयी मार्गदर्शन केले. बहिणाबाईंच्या कार्याविषयी व जीवनाविषयी माहिती विद्यार्थ्यांना सौ सुजाता नेमाडे मॅडम यांनी  दिली. सदर प्रसंगी शाळेचे मुख्याध्यापक संजय पाटील यांनी बहिणाबाईंच्या काव्याविषयी प्रकाश झोत टाकला. कार्यक्रम यशस्वीतेसाठी सर्व शिक्षक व शिक्षकेतर कर्मचारी यांनी परिश्रम घेतले शेवटी कार्यक्रम प्रमुख तडवी सर यांनी सर्वांचे आभार मानले. संस्थेच्या चेअरमन माननीय सिंधुताईंनी तसेच ललित  कोल्हे यांनी कार्यक्रम यशस्वीतेसाठी शुभेच्छा दिल्या.