किरकोळ वादातून गॅरेज चालकास मारहाण; सहाजणांविरुद्ध तक्रार

किरकोळ वादातून गॅरेज चालकास मारहाण; सहाजणांविरुद्ध तक्रार
भुसावळ : शहरातील जुना कोंडवाडा परिसरात किरकोळ कारणावरून गॅरेज चालकास मारहाण झाल्याची घटना समोर आली आहे. या प्रकरणी सहा जणांविरुद्ध भुसावळ पोलीस ठाण्यात तक्रार दाखल करण्यात आली आहे.

फिरोज शेख याकुब (वय ३६, रा. जाम मोहल्ला) हे खडका चौफुलीजवळ ‘सिकंदर कार’ नावाचे गॅरेज चालवतात. २७ मार्च रोजी मुस्लिम कॉलनीत आयोजित चहलम कार्यक्रमादरम्यान गाणे लावण्याच्या कारणावरून काही युवकांमध्ये वाद झाला. हा वाद मिटवण्यासाठी फिरोज शेख गेले असता, रात्री उशिरा चिराग हॉलजवळील मैदानात पुन्हा वाद निर्माण झाला.

यावेळी काही जणांनी एकत्र येऊन फिरोज शेख व त्यांच्या सोबत असलेल्या व्यक्तींना शिवीगाळ करत चापटा व बुक्क्यांनी मारहाण केली. तसेच जीवे मारण्याची धमकी दिल्याचा आरोप तक्रारीत करण्यात आला आहे.

या प्रकरणी मोहसीन, आमीर, राजा तसलीम उर्फ राजा पहेलवान, साजीद लाला, चाहत किन्नर व मोहम्मद इसराइल उर्फ गोलू (सर्व रा. भुसावळ) यांच्याविरुद्ध गुन्हा दाखल करण्याची प्रक्रिया सुरू असून पोलिसांकडून पुढील तपास केला जात आहे.