के सी ई इंजिनिअरिंग अँड मॅनेजमेंट महाविद्यालयांत राष्ट्रीय मतदार दिवस साजरा

के सी ई इंजिनिअरिंग अँड मॅनेजमेंट महाविद्यालयांत राष्ट्रीय मतदार दिवस साजरा

जिल्हा आयकॉन मदन लाठी यांनी मतदानाचे महत्व सांगितले
जळगाव प्रतिनिधी

खान्देश कॉलेज एज्युकेशन सोसायटीचे कॉलेज ऑफ इंजिनिअरिंग अँड मॅनेजमेंट महाविद्यालयांत राष्ट्रीय मतदार दिवस साजरा करण्यात आला .कार्यक्रमाला मतदान जनजागृतीचे गांधी रिसर्च फाउंडेशनचे सहकारी आणि जिल्हा आयकॉन मदन लाठी यांनी मतदानाचे महत्व सांगून आणि त्यात विशेषतः युवा पिढीने पुढे येऊन मत देऊन सहभाग नोंदवावा .

राष्ट्रीय मतदार दिवस (NVD) हा दरवर्षी २५ जानेवारी रोजी देशभरात साजरा केला जातो. ‘आपले मत हीच आपली शक्ती आहे’ याची आठवण आणि जाणीव करून देणारा हा दिवस. आपल्या देशाचे नेते निवडण्याचा अधिकार आपल्याला आहे आणि या अधिकाराचा वापर करणे ही आपली जबाबदारी आहे. खरे पाहता प्रत्यक्ष किंवा अप्रत्यक्षपणे आपले एक मत आपल्या देशाचे भवितव्य घडवण्यात महत्त्वाची भूमिका बाजवतो,

आणि म्हणूनच या दिवसाला अनन्य साधारण महत्त्व आहे.निवडणूक आयोगाच्या स्थापनेच्या ६१ व्या वर्धापन दिनानिमित्त २५ जानेवारी २०११ रोजी पहिला राष्ट्रीय मतदार दिवस साजरा करण्यात आला. हा दिवस लोकांना, विशेषतः तरुणांना निवडणुकीत सक्रियपणे सहभागी होण्यासाठी प्रोत्साहित करण्यासाठी तयार करण्यात आला होता.

मतदारांना शिक्षित करणे, जागरुकता निर्माण करणे आणि उपक्रमांमध्ये सहभागी होणे हे मुख्य ध्येय होते. निवडणूक आयोगाला लोकशाही व्यवस्थेत मतदानाचे महत्त्व पटवून द्यायचे होते म्हणून या दिवसाची सुरुवात करण्यात आली .मतदान लोकशाही समाजात एक अत्यावश्यक भूमिका बजावते. कारण ते नागरिकांना त्यांचे नेते निवडण्यात थेट सहभागी होण्यासाठी सर्वात मोठे व्यासपीठ मिळवून देते. जेव्हा अधिक लोक मतदान करतात, तेव्हा याचा अर्थ निवडून आलेल्या अधिकाऱ्यांना अधिक जबाबदार धरले जाते आणि ते प्रभारी लोकांबद्दलचे लोकांचे सामूहिक निर्णय प्रतिबिंबित करते. म्हणूनच राष्ट्रीय मतदार दिवस महत्त्वाचा आहे. तो लोकशाहीत लोकांना त्यांच्या शक्ती आणि जबाबदारीबद्दल शिक्षित आणि माहिती देण्यास मदत करतो.२०११ पासून, राष्ट्रीय मतदार दिवस हा २५ जानेवारी रोजी साजरा केला जाणारा वार्षिक कार्यक्रम आहे, जो भारतीय निवडणूक आयोगाच्या (२५ जानेवारी, १९५०) स्थापना दिनासोबत आहे. या महोत्सवाचा दुहेरी उद्देश आहे

: नागरिकांमध्ये मतदानाविषयी जागरूकता निर्माण करणे आणि नवीन, पात्र तरुणांना मतदार म्हणून नावनोंदणी करण्यात मदत करणे. असे प्रतिपादन श्री मदन लाठी यांनी केले . कार्यक्रमाला प्राचार्य डॉ संजय सुगंधी ,अकॅडमिक डीन् डॉ सी एस पाटील, ऍडमिनिस्ट्रेटिव्ह डीन प्रा.गणेश पाटील ,प्रा कल्पेश महाजन ,प्रा के बी पाटील ,प्रा अविनाश सूर्यवंशी ,प्रा मकरंद गोडबोले प्रा प्रवीण भंगाळे,प्रा.राहुल पटेल,जगदीश पाटील ,तुषार धुमाळ व सर्व विभाग प्रमुख ,प्राध्यापक वृंद ,विद्यार्थी ,शिक्षकेतर कर्मचारी उपस्थित होते