कोयता घेऊन दहशत माजवणारा ‘बब्या’ जेरबंद

कोयता घेऊन दहशत माजवणारा ‘बब्या’ जेरबंद

रामानंदनगर पोलिसांची कारवाई; धारदार कोयता जप्त

जळगाव (प्रतिनिधी)
शहरातील पिंप्राळा परिसरातील मढी चौकात कोयता घेऊन दहशत माजविणाऱ्या अक्षय उर्फ बब्या बन्शीलाल धोबी (वय २९, रा. रथ चौक, पिंप्राळा) याला रामानंदनगर पोलिसांनी ताब्यात घेतले. त्याच्याकडून धारदार कोयता जप्त करण्यात आला आहे.
ही कारवाई दि. २३ मार्च रोजी रात्री ८ वाजेच्या सुमारास करण्यात आली. संबंधित आरोपी परिसरात कोयता घेऊन फिरत नागरिकांमध्ये भीतीचे वातावरण निर्माण करत होता. याची माहिती मिळताच रामानंदनगर पोलिसांनी तत्काळ धाव घेऊन आरोपीला पकडले.
याप्रकरणी पोलीस कर्मचारी अजय सपकाळे यांनी दिलेल्या फिर्यादीवरून आरोपीविरुद्ध गुन्हा दाखल करण्यात आला आहे. पुढील तपास पोलीस हवालदार जितेंद्र राजपूत करत आहेत.