कोयता घेवून दहशत माजवणारा हद्दपार संशयित जेरबंद
जळगाव : हद्दपार असतांना देखील सता नगरात हातात लोखंडी कोयता घेवून दहशत माजविणाऱ्या आशिष संजय सोनवणे (वय २३, रा. समता नगर) याला जेरबंद केले. ही कारवाई दि. १९ रोजी रामानंद नगर पोलिसांनी केली असून संशयिताविरुद्ध गुन्हा दाखल
करण्यात आला आहे.
शहरातील समता नगरात राहणाऱ्या आशिष सोनवणे याच्यावर हद्दपारीची कारवाई केली होती. हद्दपार असतांना तो परिसरात लोखंडी कोयता घेवून दहशत माजवित असल्याची माहिती रामानंद नगर पोलीस ठाण्याचे पोलीस निरीक्षक राजेंद्र गुंजाळ यांना मिळाली. त्यांनी लागलीच
कर्मचारी हेमंत कळसकर, विनोद सुर्यवंशी, योगेश बारी, रेवानंद साळुंखे यांचे पथक कारवाईसाठी रवाना केले. या पथकाने दहशत माजविणाऱ्या आशिष सोनवणेला अटक केली त्याच्याकडून धारदार कोयता हस्तगत केला. याप्रकरणी रामानंद नगर पोलिसात गुन्हा दाखल केला आहे
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
