क्रिकेटचा महा-थरार; ‘जळगाव क्रिकेट लीग २०२६’ ऑक्शन रंगला जल्लोषात
ऑलराऊंडर खेळाडूंसाठी तुफान बोली; सहा संघ सज्ज, स्पर्धेला रंगत
जळगाव : जळगाव जिल्हा क्रिकेट असोसिएशनच्या वतीने आणि रतनलाल सी. बाफना ज्वेलर्स यांच्या प्रायोजकत्वाखाली आयोजित ‘जळगाव क्रिकेट लीग २०२६’ (जेसीएल टी-२०) स्पर्धेच्या पार्श्वभूमीवर पार पडलेल्या ऑक्शनमध्ये क्रिकेटप्रेमींना रोमांचक क्षण अनुभवायला मिळाले.
विशेष म्हणजे ऑलराऊंडर खेळाडूंसाठी संघांमध्ये जबरदस्त चढाओढ पाहायला मिळाली. प्लॅटिनम, डायमंड, गोल्ड आणि १९ वर्षांखालील गटातील एकूण १५६ खेळाडूंवर बोली लागली.
जैन हिल्समध्ये रंगला ऑक्शन सोहळा
जैन हिल्स येथील परिश्रम हॉलमध्ये हा भव्य ऑक्शन सोहळा पार पडला. या वेळी तांत्रिक बाजू अभंग जैन, जगदीश चावला, वरुण देशपांडे, हितेश पटेल, समीर गुळवे, उदय सोनवणे, संदीप गांगुर्डे, सुयश बुरूकूल, प्रशांत विरकर आणि मोहम्मद फजल यांनी सांभाळली. अॅड. सूरज जहांगिर यांनी ऑक्शनर म्हणून आपल्या शैलीत वातावरण रंगवले.
सहा संघांमध्ये रंगणार थरार
ऑक्शननंतर सहा संघांची अंतिम घोषणा करण्यात आली असून, प्रत्येक संघात अनुभवी आणि युवा खेळाडूंचा समतोल साधण्यात आला आहे.
अमळनेर जायंट्स (सुहांस केमिकल्स)
आयकॉन : शुभम शर्मा
प्रमुख खेळाडू : मोहम्मद सैफ, ऋषी यादव, मानव टिबरेवाला, अजय पाटील, यशवंत शिंदे, रोहित पारधी आदी
प्रशिक्षक : राहुल निंभोरे
चाळीसगाव चार्जर्स (सागर पार्क क्रिकेट क्लब)
आयकॉन : ओम मुंडे
प्रमुख खेळाडू : साई बनाईत, साहिल गायकर, लोकेश पाटील, शाहरुख शेख, अमेय कोळी, अभिषेक पाटील आदी
प्रशिक्षक : सचिन सोनवणे
जळगाव किंग्स (दाल परिवार)
आयकॉन : जगदीश झोपे
प्रमुख खेळाडू : बिपिन चांगरे, राज बेलदार, मोहम्मद नदिम, मनीष चव्हाण, सागर भावसार, चिन्मय पोळ आदी
प्रशिक्षक : घनश्याम चौधरी
जामनेर ब्लास्टर्स (ऋषभ मेटल अँड केमिकल्स)
आयकॉन : शतायू कुलकर्णी
प्रमुख खेळाडू : प्रद्युम्न महाजन, ललित पाटील, योगेश तेलंग, मानस पाटील, रोहन पाटील आदी
प्रशिक्षक : मुश्ताक अली
पाचोरा टायटन्स (एस. के. ट्रान्सलाईन)
आयकॉन : सचिन चौधरी
प्रमुख खेळाडू : पवन पाटील, रोहित तलरेजा, सिद्धेश देशमुख, कैलास पाटील, निखिल दुरांडे आदी
प्रशिक्षक : पंकज महाजन
रावेर रॉयल्स (एम. व्ही. जे. इंडस्ट्रियल कन्सल्टन्सी)
आयकॉन : नचिकेत ठाकूर
प्रमुख खेळाडू : अनुज पवार, धवल हेमनानी, सचिन पाटील, संदेश सुरवाडे, प्रज्वल पाटील आदी
प्रशिक्षक : तनवीर अहमद
ऑलराऊंडरांवर संघांची नजर
या ऑक्शनमध्ये विशेषतः ऑलराऊंडर खेळाडूंना मोठी मागणी होती. फलंदाजी आणि गोलंदाजी दोन्ही क्षेत्रात कामगिरी करणाऱ्या खेळाडूंवर फ्रँचायझींनी मोठ्या प्रमाणावर बोली लावली.
क्रिकेटप्रेमींसाठी पर्वणी
या स्पर्धेमुळे जिल्ह्यातील क्रिकेटप्रेमींना दर्जेदार सामने पाहण्याची संधी मिळणार असून, स्थानिक खेळाडूंना आपली क्षमता दाखवण्याचे व्यासपीठ मिळणार आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
