खासगी रुग्णालयाच्या बाथरुममध्ये पडून महिलेचा मृत्यू

खासगी रुग्णालयाच्या बाथरुममध्ये पडून महिलेचा मृत्यू

जळगाव : खासगी रुग्णालयाच्या बाथरुममध्ये पडून अनिता अरुण पालिवाल (वय ५३, रा. लोहारा, ता. पाचोरा) यांचा मृत्यू झाला. ही घटना ५ ऑक्टोबर रोजी घडली. याप्रकरणी जिल्हापेठ पोलीसात अकस्मात मृत्यूची नोंद करण्यात आली आहे. पाचोरा तालुकयातील लोहार येथील अनिता पालिवाल यांच्यावर खासगी रुग्णालयात उपचार सुरू होते. त्या दि. ५ ऑक्टोबर रोजी सकाळी बाथरुममध्ये गेल्या असता तेथे त्या पडल्या. त्यामुळे त्यांना शासकीय वैद्यकीय महाविद्यालय व रुग्णालयात दाखल केले असता डॉक्टरांनी मयत घोषित केले. या प्रकरणी जिल्हापेठ पोलिस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ अनिता वाघमारे करीत आहेत.