चोपडा येथून नांदुरीगड यात्रेसाठी जादा बसेसची सोय
२७ मार्च ते ३ एप्रिलदरम्यान एसटीची विशेष व्यवस्था; भाविकांना दिलासा
चोपडा : नांदुरीगड येथील सप्तश्रृंगी मातेच्या यात्रोत्सवानिमित्त भाविकांची वाढती गर्दी लक्षात घेता राज्य परिवहन महामंडळाच्या चोपडा आगारातर्फे २७ मार्च ते ३ एप्रिलदरम्यान जादा बसेस सोडण्याचा निर्णय घेण्यात आला आहे. भाविकांना गडावर दर्शनासाठी सुलभ व सोयीस्कर प्रवास मिळावा, यासाठी ही विशेष व्यवस्था करण्यात आली असल्याची माहिती आगार प्रशासनाने दिली.
चोपडा ते नांदुरीगड या मार्गावर प्रवाशांसाठी प्रौढांचे पूर्ण भाडे ३७३ रुपये, तर अर्धे भाडे १८७ रुपये निश्चित करण्यात आले आहे. तसेच ज्या ठिकाणांहून पुरेशा प्रवाशांची मागणी असेल, त्या मार्गांवरही अतिरिक्त बसेस सोडल्या जाणार असल्याचे प्रशासनाने स्पष्ट केले आहे.
या विशेष बससेवेचा जास्तीत जास्त लाभ भाविकांनी घ्यावा, असे आवाहन आगार प्रमुख महेंद्र पाटील यांनी केले आहे. दरम्यान, यात्रोत्सवानिमित्त एलआयसीचे सल्लागार प्रवीण पाटील यांनी यात्रा स्पेशल बसेससाठी स्टिकर्स स्वखर्चाने उपलब्ध करून दिल्याने त्यांच्या या उपक्रमाचे आगार प्रशासनासह भाविकांकडून कौतुक होत आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
