जळगाव: शहरातील पांडे चौकातून दुचाकी चोरून ती वापरणाऱ्या एका तरुणाला एमआयडीसी पोलिसांनी अटक केली आहे. पोलिसांनी त्याच्याकडून चोरीची दुचाकी हस्तगत केली आहे.
शहरातील एका तरुणाने आपली दुचाकी (एमएच १९, बीआर ८५३८) पांडे चौकात लावून जिल्हा रुग्णालयात गेला होता. त्याचवेळी अज्ञात चोरट्याने त्याची दुचाकी चोरून नेली होती. या प्रकरणी गुन्हा दाखल करण्यात आला होता.
या गुन्ह्याचा तपास करत असताना, चोरी झालेली दुचाकी संशयित अनुराग जाधव (रा. रामेश्वर कॉलनी) वापरत असल्याची माहिती एमआयडीसी पोलिसांना मिळाली.
पोलिसांची कारवाई मिळालेल्या माहितीनुसार, एमआयडीसी पोलीस ठाण्यातील उपनिरीक्षक राहुल तायडे, सहाय्यक फौजदार विजयसिंग पाटील, पोलीस नाईक प्रदीप चौधरी आणि विशाल कोळी यांच्या पथकाने तात्काळ सापळा रचला. त्यांनी चोरीची दुचाकी घेऊन फिरणाऱ्या अनुराग जाधव याला ताब्यात घेतले. चौकशीदरम्यान, त्याने दुचाकी चोरल्याची कबुली दिली.
पोलिसांनी त्याच्याकडून चोरीची दुचाकी जप्त केली असून, पुढील तपास पोलीस नाईक प्रदीप चौधरी हे करत आहेत.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
