जलकुंभावरील वॉचमनला चौघांनी केले मारहाण करून जखमी

जलकुंभावरील वॉचमनला चौघांनी केले मारहाण करून जखमी

दगडफेकीत मधमाशांचा हल्ला ; तडवी कॉलनीतील घटना

यावल : शहरातील फैजपूर रस्त्यालगत तडवी कॉलनीत असलेल्या नगरपालिकेच्या जलकुंभावर कंत्राटी वॉचमन म्हणून कार्यरत असलेल्या हर्षल राजू पवार (वय २४) यांच्यावर चौघांनी हल्ला करून जखमी केल्याची घटना घडली आहे.

बुधवारी रात्री हर्षल पवार कर्तव्यावर असताना, अब्बास पटेल आणि त्याच्या तीन अनोळखी साथीदारांनी त्यांच्याशी वाद घालत शिवीगाळ केली. त्यानंतर अचानक त्यांच्यावर दगडफेक करण्यात आली. छाती आणि पाठीवर दगड लागल्याने ते जखमी झाले.

विशेष म्हणजे, या दगडफेकीमुळे पाण्याच्या टाकीवरील मधमाश्यांचे आग्या मोहोळ उठले आणि संतप्त मधमाशांनी हर्षल पवार यांच्यावर हल्ला केला. या दुहेरी हल्ल्यात ते गंभीर जखमी झाले आहेत.

या प्रकरणी यावल पोलिस ठाण्यात चौघांविरुद्ध गुन्हा दाखल करण्यात आला आहे. तपास हवालदार नरेंद्र बागुले करत आहेत.