जळगावच्या फारुक शेख यांचा WIFA कडून लॅपटॉप देऊन सन्मान; खासदार क्रीडा महोत्सवात फुटबॉलचा समावेश

जळगावच्या फारुक शेख यांचा WIFA कडून लॅपटॉप देऊन सन्मान; खासदार क्रीडा महोत्सवात फुटबॉलचा समावेश
जळगाव प्रतिनिधी जिल्हा फुटबॉल असोसिएशनचे सरचिटणीस फारुक शेख यांचा मुंबईतील कूपरेज ग्राउंड येथे २७ सप्टेंबर २०२५ रोजी WIFA अध्यक्ष खासदार प्रफुल्ल पटेल यांनी लॅपटॉप देऊन सन्मान केला. या समारंभात सर्व जिल्ह्यांना WIFA कडून ₹१,००,००० आणि डॉ. विश्वजित कदम यांच्याकडून ₹५०,००० फुटबॉल उपक्रमांसाठी मिळाले. फारुक शेख आणि अजगर पटेल यांनी २०२४/२५ च्या उपविजेत्या संघांच्या कर्णधारांना सन्मानित केले. वार्षिक सर्वसाधारण सभेत फारुक शेख यांनी खासदार क्रीडा महोत्सवात फुटबॉलचा समावेश करण्याचा प्रस्ताव मांडला, जो सभागृहाने तातडीने मंजूर केला आणि भारत सरकारच्या क्रीडा मंत्रालयाकडे पाठविण्याचा ठराव पास झाला. तसेच, जळगावला २५ ते ३१ ऑक्टोबर २०२५ दरम्यान राज्यस्तरीय ज्युनियर मुलींच्या फुटबॉल स्पर्धेचे आयोजन करण्याची जबाबदारी देण्यात आली.