जळगावमध्ये महाराणा प्रताप राज्याभिषेक दिनानिमित्त दुग्धाभिषेक
जळगाव : हिंदूसूर्य महाराणा प्रताप यांच्या राज्याभिषेक दिनानिमित्त जळगावमध्ये दुग्धाभिषेक सोहळा उत्साहात पार पडला. श्री राष्ट्रीय राजपूत करणी सेनेच्या जळगाव जिल्हा टीमतर्फे महाराणा प्रताप यांच्या पुतळ्याजवळ हा कार्यक्रम आयोजित करण्यात आला.
करणी सेनेचे जळगाव शहर जिल्हाध्यक्ष किरण राजपूत यांच्या पुढाकाराने आयोजित या कार्यक्रमात महाराणा प्रतापांच्या पुतळ्याचे विधिवत पूजन, दुग्धाभिषेक आणि माल्यार्पण करण्यात आले. यावेळी उपस्थितांनी ‘जय महाराणा प्रताप’च्या घोषणांनी परिसर दुमदुमून टाकला.
कार्यक्रमास जळगाव महापालिकेच्या महापौर सौ. दीपमाला काळे, जिल्हा अध्यक्षा सारिकाताई पाटील, उपमहापौर मनोज चौधरी, नगरसेविका ॲड. सुचिता हाडा, नरेंद्रसिंह पाटील, माजी नगरसेवक अतुलसिंह हाडा, पिंटूभाऊ काळे, ॲड. देवीसिंह पाटील, करणी सेनेचे कार्याध्यक्ष प्रवीणसिंग पाटील, प्रदेश उपाध्यक्ष दामोदर राजपूत, खानदेश विभाग प्रमुख विलाससिंह पाटील यांच्यासह पदाधिकारी व कार्यकर्ते मोठ्या संख्येने उपस्थित होते.
महापौर दीपमाला काळे यांनी आपल्या मनोगतात महाराणा प्रताप यांच्या शौर्य, त्याग आणि स्वाभिमानाचा गौरव करत समाजाने त्यांच्या आदर्शांचा वारसा जपावा, असे आवाहन केले.
राजपूत समाजातील बांधव व महिलांची लक्षणीय उपस्थिती लाभलेल्या या कार्यक्रमाची सांगता शिस्तबद्ध वातावरणात झाली.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
