जळगावातील जलतरणपटूंचे राज्यस्तरीय स्पर्धेत घवघवीत यश

जळगावातील जलतरणपटूंचे राज्यस्तरीय स्पर्धेत घवघवीत यश

जळगाव प्रतिनिधीI छत्रपती संभाजीनगर येथील सिद्धार्थ जलतरण तलावावर महाराष्ट्र स्टेट वेटरन असोसिएशनच्या वतीने आयोजित 26 वी राज्यस्तरीय मास्टर अॅक्वाटिक्स चॅम्पियनशिप 13 व 14 सप्टेंबर रोजी उत्साहात पार पडली. या प्रौढ जलतरण स्पर्धेत 25 ते 85 वयोगटातील तब्बल 497 महिला-पुरुष स्पर्धकांनी सहभाग घेतला. त्यात जळगाव जिल्ह्यातून 23 जलतरणपटूंनी दमदार कामगिरी करून आपले वर्चस्व सिद्ध केले.

ज्येष्ठ जलतरणपटूंनी तरुणांनाही लाजवेल अशी कामगिरी करत अनेक पदकं पटकावली. त्यात –

रमेश शर्मा (75-79 वयोगट) यांनी 2 सुवर्ण, 1 रौप्य व 1 कांस्य पदक जिंकून विजेतेपद मिळवले.

ऍड. आर. आर. पाटील (70-74 गट) यांनी 1 कांस्य पदक पटकावले.

अनिल बाफना (65-69 गट) यांनी सुवर्णपदकाची कमाई केली.

कमलकिशोर मणियार (60-64 गट) यांनी 1 रौप्य व 1 कांस्य पदक मिळवले.

दिलीप पाटील (60-64 गट) यांनीदेखील 1 रौप्य व 1 कांस्य पदक पटकावले.

जसपाल अरोरा (55-59 गट) यांनी 1 कांस्य तर ज्ञानेश्वर देशमुख यांनी त्याच गटात 1 रौप्य पदक जिंकले.

सुनील चौधरी (50-54 गट) यांनी रौप्यपदक पटकावले.

निर्मल अरोरा (40-44 गट) यांनी तब्बल 3 सुवर्ण पदके मिळवून चमकदार कामगिरी केली, तर दिगंबर मुकुंदे यांनी त्याच गटात रौप्य पदक पटकावले.

सतीश लुंकड (30-34 गट) यांनी 2 रौप्य व 2 कांस्य पदक मिळवले.

महिला गटात प्रतिभा पाटील (50-54) यांनी रौप्य पदकाची कमाई केली.

या सर्व विजेत्यांचे व सहभागी स्पर्धकांचे स्विमिंग असोसिएशन ऑफ जळगाव डिस्टिकचे अध्यक्ष डॉ. उदयसिंग पाटील, उपाध्यक्ष ऍड. आर. आर. पाटील, सचिव फारुख शेख, सहसचिव राजेंद्र ओक व कमलेश नगरकर यांनी अभिनंदन करून त्यांचे कौतुक केले.