जळगावातून अल्पवयीन मुलीला पळविले !

तरुणावर अपहरणाचा गुन्हा दाखल

जळगाव : शहरातील नवीन बसस्थानक परिसरातून १६ वर्षीय अल्पवयीन मुलीला फुस लावून पळवून नेल्याची घटना मंगळवार दि. ७ जानेवारी रोजी सकाळी १० वाजता घडली आहे. याप्रकरणी बुधवारी जिल्हापेठ पोलीस ठाण्यात एका तरुणावर अपहरणाचा गुन्हा दाखल करण्यात आला आहे.

एरंडोल तालुक्यातील नागदुली गावातील एका भागात १६ वर्षीय अल्पवयीन मुलगी ही आपल्या परिवारासह वास्तव्याला आहे. मुलगी ही मंगळवारी ७ जानेवारी रोजी सकाळी १० वाजता जळगाव

शहरातील नवीन बसस्थानक येथे आलेली होती. त्यावेळी कल्पेश नवल माळी (वय २५, रा. नागदुल्ली ता. एरंडोल) याने काहीतरी आमिष दाखवत अल्पवयीन मुलीला फूस लावून पळवून नेले आहे अशी तक्रार पीडित मुलीच्या नातेवाईकांनी जिल्हापेठ पोलीस ठाण्यात दिली आहे. त्यानुसार बुधवार दि. ८ जानेवारी रोजी जिल्हापेठ पोलीस ठाण्यात अपहरणाचा गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक दादासाहेब वाघ हे करीत आहे.