जळगाव, जळगाव तालुक्यातील शिरसोली येथे एका अल्पवयीन मुलीसोबत अश्लील हावभाव केल्याचा आणि याचा जाब विचारण्यासाठी गेलेल्या तिच्या आई-वडिलांना शिवीगाळ करत मारहाण करून विनयभंग केल्याचा धक्कादायक प्रकार समोर आला आहे. ही घटना रविवार, २७ जुलै रोजी सकाळी ९ वाजता घडली. याप्रकरणी सोमवारी, २८ जुलै रोजी दुपारी अडीच वाजता एमआयडीसी पोलीस ठाण्यात गुन्हा दाखल करण्यात आला असून, संशयित आरोपीला अटक करण्यात आली आहे.
भूषण सोपान पाटील (रा. शिरसोली, ता. जळगाव) असे अटक केलेल्या संशयिताचे नाव आहे.
शिरसोली गावात आपल्या आई-वडिलांसोबत राहणारी १२ वर्षीय अल्पवयीन मुलगी रविवार, २७ जुलै रोजी सकाळी ९ वाजता क्लासला जात असताना, संशयित आरोपी भूषण पाटीलने तिच्यासोबत अश्लील हावभाव केले. या प्रकारानंतर मुलीच्या आई-वडिलांनी भूषण पाटीलला जाब विचारला. याचा राग आल्याने भूषणने मुलीच्या आई-वडिलांना शिवीगाळ करत मारहाण केली. तसेच, त्याने महिलेचा हात पकडून विनयभंगही केला.
घटनेनंतर पीडित मुलीच्या आईने एमआयडीसी पोलीस ठाण्यात तक्रार दाखल केली. त्यानुसार, संशयित आरोपी भूषण पाटील विरोधात गुन्हा दाखल करण्यात आला आहे. पुढील तपास पोलीस हेड कॉन्स्टेबल किरण चौधरी करत आहेत.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
