जळगावात तक्रार मागे घेण्यास नकार दिल्याने तरुणावर रॉड हल्ला

जळगावात तक्रार मागे घेण्यास नकार दिल्याने तरुणावर रॉड हल्ला

जळगाव (प्रतिनिधी) – पोलीस ठाण्यात दिलेली तक्रार मागे घेण्यास नकार दिल्याने एका तरुणाच्या डोक्यात लोखंडी रॉड मारून त्याला गंभीर जखमी करण्यात आल्याची घटना जळगाव शहरात घडली आहे. ही घटना मंगळवारी दुपारी ४ वाजता लक्ष्मीनगर येथे घडली असून, या प्रकरणी शहर पोलीस ठाण्यात दोघांविरुद्ध गुन्हा दाखल करण्यात आला आहे.

शहरातील लक्ष्मीनगर भागात राहणाऱ्या मेहरुनिसा शेख कय्युम (वय ३२) यांना संशयित आरोपींनी पोलीस ठाण्यात दिलेली तक्रार मागे घेण्यास सांगितले. मेहरुनिसा यांनी नकार दिल्यानंतर, एका संशयिताने त्याच्या जवळील लोखंडी रॉड त्यांच्या डोक्यात मारला. या हल्ल्यात त्यांचे डोके फुटून ते रक्तबंबाळ झाले. यावेळी संशयिताच्या साथीदाराने त्यांना शिवीगाळ करत जीवे मारण्याची धमकीही दिली.

या प्रकरणी नूर मोहम्मद शेख लतीफ आणि अमीना बी नूर मोहम्मद (दोघे रा. ख्वाजानगर, हुडको) यांच्या विरोधात गुन्हा दाखल करण्यात आला आहे. पोलीस हवालदार प्रकाश वाघ हे या प्रकरणाचा पुढील तपास करत आहेत.