जळगावात मंडळ क्रमांक २च्या वतीने भव्य तिरंगा मोटरसायकल रॅलीचे आयोजन

जळगावात मंडळ क्रमांक २च्या वतीने भव्य तिरंगा मोटरसायकल रॅलीचे आयोजन
भारत माता की जय, वंदे मातरम्… घोषणांनी दुमदुमला परिसर

जळगाव | प्रतिनिधी
भारतीय जनता पार्टी, जळगाव जिल्हा महानगर मंडळ क्रमांक – २ (संत झुलेलाल बहिणाबाई परिसर) यांच्यावतीने २२ मे रोजी भव्य तिरंगा मोटरसायकल रॅलीचे आयोजन करण्यात आले. कवयित्री बहिणाबाई चौधरी यांच्या पुतळ्यास माल्यार्पण व पुष्पांजली अर्पण करून या रॅलीस उत्साहात सुरुवात झाली.

या राष्ट्रप्रेम जागवणाऱ्या रॅलीत महानगर अध्यक्ष दीपकभाऊ सूर्यवंशी, माजी महापौर सीमाताई भोळे, मंडळ अध्यक्षा दीपमाला काळे, ज्येष्ठ नगरसेवक भगत बालानी, माजी स्थायी समिती सभापती शुचिताताई हाडा, माजी नगरसेवक अमीत काळे, युवा मोर्चा अध्यक्ष महेश पाटील, सरोजिनीताई पाठक, नंदिनीताई दर्जी, संगीताताई पाटील आदींसह अनेक पदाधिकारी, कार्यकर्ते आणि नागरिकांनी उत्स्फूर्त सहभाग घेतला.

या रॅलीत भारत माता की जय, वंदे मातरम्, जय हिंद अशा देशभक्तीपर घोषणा देण्यात आल्या. रॅलीदरम्यान शहरात देशप्रेमाचे वातावरण निर्माण झाले होते. विविध वयोगटातील कार्यकर्त्यांनी तिरंगा फडकावत रॅलीत सहभाग घेतल्याने परिसरात राष्ट्रभक्तीचे सकारात्मक भाव निर्माण झाले.

कार्यक्रमाच्या यशस्वी आयोजनासाठी मनोज काळे, गोपाल पोपटानी, विनय केसवाणी, चेतन तिवारी, केदार देशपांडे, सतीश पाटील, मयुर पाटील, ऋषिकेश शिंपी, रोहित वाघ, संजय अडकमोल, स्वप्नील राजपूत, ललित लोकचंदानी, प्रकाश बालानी, आकाश मोरे, सचिन बाविस्कर, अवि भोळे, नीरज पाटील, सुशील हासवानी यांच्यासह कार्यकर्त्यांचे विशेष योगदान लाभले.