जळगावात मुलींच्या फुटबॉलचे ‘महायुद्ध’!

जळगावात मुलींच्या फुटबॉलचे ‘महायुद्ध’!

‘अस्मिता फुटबॉल स्पर्धे’चे उद्घाटन केंद्रीय क्रीडा राज्यमंत्री रक्षा खडसे यांच्या हस्ते

जळगाव : खेलो इंडिया, क्रीडा व युवा मंत्रालय, भारत सरकार आणि भारतीय फुटबॉल संघटनेच्या मान्यतेने आज, रविवार, १० ऑगस्ट २०२५ रोजी जळगावमध्ये १३ वर्षांखालील मुलींच्या ‘अस्मिता फुटबॉल स्पर्धे’चे आयोजन करण्यात आले आहे. वेस्टर्न इंडिया फुटबॉल असोसिएशन व जळगाव जिल्हा फुटबॉल संघटनेने गोदावरी फाउंडेशनच्या सहकार्याने या स्पर्धेचे आयोजन गोदावरी इंजिनिअरिंग कॉलेजच्या क्रीडांगणावर केले आहे.

उद्घाटन सोहळा या एकदिवसीय स्पर्धेचे औपचारिक उद्घाटन सकाळी ९.३० वाजता भारत सरकारच्या क्रीडा व युवा खात्याच्या राज्यमंत्री श्रीमती रक्षा खडसे यांच्या हस्ते होणार आहे. या कार्यक्रमाला प्रमुख अतिथी म्हणून आमदार राजूमामा भोळे, गोदावरी फाउंडेशनच्या संचालिका डॉ. केतकी पाटील आणि जागतिक कॅरम विजेती व शिवछत्रपती पुरस्कार विजेती आयशा खान उपस्थित राहणार आहेत.

आठ संघांमध्ये लढत या स्पर्धेत आठ संघ सहभागी झाले असून, त्यांच्यात बाद पद्धतीने सामने खेळवले जातील. सहभागी होणाऱ्या संघांची नावे:

• पोदार इंटरनॅशनल स्कूल
• गोदावरी फाउंडेशन संचलित गोदावरी स्कूल
• नानासाहेब तामसवाडी फुटबॉल क्लब
• जळगाव फुटबॉल अकॅडमी
• अक्सा फुटबॉल क्लब
• पोदार फुटबॉल अकॅडमी
• ताप्ती फुटबॉल क्लब भुसावळ

भरघोस पारितोषिके जळगाव जिल्हा फुटबॉल असोसिएशन आणि स्पोर्ट्स हाऊस, जळगाव यांच्यातर्फे विजेता आणि उपविजेता संघाला फुटबॉल चषक तसेच सुवर्ण आणि रजत पदके दिली जातील. तृतीय क्रमांकाच्या संघालाही ट्रॉफी देऊन सन्मानित करण्यात येईल. याव्यतिरिक्त, स्पर्धेतील सर्वोत्कृष्ट खेळाडू, उत्कृष्ट गोलकीपर, उत्कृष्ट डिफेंडर, सर्वाधिक गोल करणारा आणि उत्कृष्ट शिस्तप्रिय खेळाडू यांनाही खास ट्रॉफी देऊन गौरवण्यात येणार आहे, अशी माहिती जळगाव जिल्हा फुटबॉल संघटनेचे सचिव फारुक शेख यांनी दिली.

या स्पर्धेत १३ वर्षांखालील खेळाडूंना प्रोत्साहन देण्यासाठी क्रीडाप्रेमी, क्रीडा शिक्षक आणि क्रीडा संघटनांच्या प्रतिनिधींनी मोठ्या संख्येने उपस्थित राहावे, असे आवाहन संघटनेचे अध्यक्ष डॉ. उल्हास पाटील आणि सचिव फारुक शेख यांनी केले आहे.