जळगाव कृषी उत्पन्न बाजार समितीत भाजपचे स्पष्ट बहुमत

जळगाव कृषी उत्पन्न बाजार समितीत भाजपचे स्पष्ट बहुमत

चार संचालकांचा गिरीश महाजन यांच्या उपस्थितीत भाजपमध्ये प्रवेश; राजकीय समीकरणे बदलली

जळगाव : जळगाव कृषी उत्पन्न बाजार समिती मधील चार संचालकांनी रविवारी नाशिक येथे आयोजित कार्यक्रमात भारतीय जनता पक्ष मध्ये जाहीर प्रवेश केला. राज्याचे जलसंपदा मंत्री गिरीश महाजन यांच्या उपस्थितीत झालेल्या या पक्षप्रवेशामुळे बाजार समितीतील राजकीय समीकरणांमध्ये मोठा बदल झाला असून भाजपचे स्पष्ट बहुमत झाले आहे.

भाजपमध्ये प्रवेश केल्यानंतर बाजार समितीतील भाजप समर्थक संचालकांची संख्या आता दहावर पोहोचली आहे. त्यामुळे बाजार समितीच्या कारभारात भाजपचे वर्चस्व अधिक बळकट झाल्याचे मानले जात आहे.

भाजपमध्ये प्रवेश करणाऱ्या संचालकांमध्ये माजी सभापती लक्ष्मण पाटील, माजी उपसभापती राजू पाटील, संदीप पाटील आणि दिलीप पाटील यांचा समावेश आहे.

या पक्षप्रवेशावेळी बाजार समितीचे सभापती सुनील महाजन यांच्यासह अन्य पदाधिकारी व कार्यकर्ते उपस्थित होते. या घडामोडीमुळे येत्या काळात बाजार समितीच्या राजकारणात आणखी हालचाली होण्याची शक्यता व्यक्त केली जात आहे.