जळगाव जन्म प्रमाणपत्र घोटाळा ; किरीट सोमय्या यांच्या मागणीवरून ४३ जणांवर गुन्हे दाखल

जळगाव – शहरातील चर्चेत असलेल्या जन्म प्रमाणपत्र घोटाळ्याचा तपास आता निर्णायक टप्प्यात पोहोचला आहे. या प्रकरणात पोलिसांनी दाखल केलेल्या FIR आणि आरोपपत्रामध्ये एकूण ४५ जणांना आरोपी म्हणून नामांकित केले असून त्यामध्ये ४३ अर्जदार आणि २ वकील/एजंट यांचा समावेश आहे.

या अर्जदारांनी बनावट पद्धतीने तहसीलदार जळगाव यांच्या स्वाक्षऱ्या करून, खोटे आदेश तयार केले आणि ते आदेश जळगाव महानगरपालिकेत सादर करून बनावट जन्म प्रमाणपत्रे प्राप्त करण्यासाठी दाखल करण्यात आली होती. या गुन्ह्यातील कारस्थानामुळे संपूर्ण जिल्ह्यात खळबळ उडाली होती. एकाच वेळी महानगरपालिकेत जन्म मृत्यू दाखले प्रकरणे 50 कसे दाखल झाली याबाबत तहसीलदार जळगाव तालुका यांनी जळगाव शहर पोलीस स्टेशनला गुन्हा दाखल केला होता.

 *गंभीर गुन्ह्यात 43 आरोपीची वाढ*

शिरीष बानो फारीक शाह, आरीफ खान इसा खान, बान असुदुल्ला खान हाफीज, शाह आसिफ अहमद, शमशेर बेग तुराब वेग, तौसीफ शहा जनिउल्ला शाहा, तुराब वेग गुलाब वेग, शहनाज वी. शेख मुनीर, वाहेदाबी अब्दुलगनी, अब्दुल्ला असगर अली सैय्यद, नुसरत बानो, जबीउल्ला शाहा, शाहा आयाज अहमद अब्दुल अजीज, मोहम्मद वसीम जबीमुल्ला शाहा, मोहम्मद जफर जवीउल्ला शाहा, जनीक परवीन अमानउल्ला शाहा, बिसमिल्लाह खान, शेख सलीम शेख बसीर, शेख अनीस शेख बसीर, मोहम्मद अकील शेख बसीर, मोहम्मद कलीम शेख बसीर, शरीफ नईमोद्दीन, मोहम्मद शकील शेख बसीर, अमरीन रशिद पटेल, जाकीर फकीर मोहम्मद तांबोळी, तबस्सुम परवीन मोहम्मद इकबाल, शेख मोहम्मद इकबाल अब्दुल रहीम, राहत नाज जबीउल्ला शाहा, अंजुमबी शेख फरीद, तसलीमा बी शेख यासिम, शोहरत अली शरीफ मुनसारी, शेख शानदोस शेख ईसाक, चांद मोहम्मद प्यारजी बागवान, असलम खान सादीक खान, अशफाक बुढान बागवान, कनिज रज्जाबी अब्दुलगनी, बुशरा खान मोहम्मद इस्लाउद्दीन, मोहसीन चांद मोहम्मद, निगार सुलताना हफिज खान, समीर खान आयुब खान, नसरिन बानो आयुब खान, अफजलखान अय्युब खान, नदिमखान हफिजखान.

या घोटाळ्याचा धागा बांगलादेश कनेक्शनशी जोडलेला असल्याचे संकेत तपासादरम्यान समोर आले का? याबाबत पोलिसांनी काय तपास केला याकरिता श्री किरीट सोमय्या. भारतीय जनता पार्टीचे नेते तथा माजी खासदार हे या घोटाळ्याचा तपास आढावा स्वतः घेत असून त्यांनी यापूर्वी जळगाव दौऱ्यादरम्यान याबाबत ठोस पुरावे समोर आणले होते.

नुकतेच दोन दिवसांपूर्वी श्री किरीट सोमय्या जळगावात आले असता, त्यांनी उर्वरित ४३ जणांना अद्याप आरोपी का केले नाही त्यांच्याविरुद्ध आरोप पत्र दाखल व्हावे अशी ठाम मागणी केली होती. त्यांच्या या मागणीची शासनाने गंभीर दखल घेतली असून, सर्व ४३ जणांविरुद्ध आरोपपत्र दाखल करण्याची प्रक्रिया अधिकृतरीत्या सुरू झाली आहे.

या आरोपींवर भारतीय दंड संहितेतील कलम 420 (फसवणूक), 406 (विश्वासघात), 467, 468, 471 (बनावट कागदपत्रे तयार करणे व वापरणे) यांसारख्या गंभीर कलमांखाली गुन्हे दाखल झाले आहेत. पोलिसांनी सविस्तर आरोपपत्र न्यायालयात दाखल करण्याची तयारी दर्शविली असून लवकरच दोषारोप पत्र मा. न्यायालयात सादर करण्यात येणार आहे.

 या प्रकरणामुळे जिल्ह्यातच नव्हे तर राज्यभरात मोठी खळबळ माजली आहे. किरीट सोमय्या यांनी उघड केलेल्या या बोगस प्रमाणपत्र घोटाळ्याच्या चौकशीमुळे राष्ट्रीय सुरक्षेच्या दृष्टीनेही महत्वाचे धागेदोरे मिळण्याची शक्यता आहे.