जळगाव न्यायालयात मोठे फेरबदल; जिल्हा न्यायाधीशपदी ए. एस. खडसे

जळगाव न्यायालयात मोठे फेरबदल; जिल्हा न्यायाधीशपदी ए. एस. खडसे

जळगाव (प्रतिनिधी) : न्यायव्यवस्थेतील सन २०२६ च्या वार्षिक सर्वसाधारण बदल्यांचे आदेश जाहीर झाल्यानंतर जळगाव जिल्ह्यासह भुसावळ, अमळनेर आणि चाळीसगाव येथील न्यायालयांत मोठे फेरबदल झाले आहेत. या बदल्यांमध्ये अनेक नवीन न्यायाधीश जिल्ह्यात रुजू होणार असून न्यायालयीन कामकाजात नवचैतन्य येण्याची अपेक्षा व्यक्त केली जात आहे.

मुंबई येथून श्रीमती ए. एस. खडसे यांची जळगाव येथे जिल्हा न्यायाधीश म्हणून नियुक्ती करण्यात आली आहे. तसेच श्रीमती ए. डी. लोखंडे (मुंबई-दिंडोशी) या अॅडहॉक जिल्हा न्यायाधीश-१ म्हणून जळगाव येथे रुजू होत आहेत.

याशिवाय ए. ए. अयाचित (मुंबई) यांची भुसावळ येथे, तर एस. सी. शिंदे (पनवेल) यांची अमळनेर येथे जिल्हा न्यायाधीश म्हणून नियुक्ती झाली आहे.
जिल्ह्यातून बदली झालेले अधिकारीजळगाव येथील एस. एन. राजुरकर यांची नागपूर उच्च न्यायालयाच्या निबंधकपदी बदली झाली आहे. एम. एस. बडे यांची नागपूर (एमएसीटी) येथे, तर पी. पी. देशपांडे (अमळनेर) यांची नाशिक येथे बदली झाली. एस. टी. सूर (भुसावळ) यांची हिंगणघाट (जि. वर्धा) येथे नियुक्ती करण्यात आली आहे.

वरिष्ठ स्तरावर ५ नवीन न्यायाधीश

दिवाणी न्यायाधीश (वरिष्ठ स्तर) श्रेणीत जळगावला पाच नवीन न्यायाधीश मिळाले आहेत. एन. एस. बुद्रुक (पंढरपूर), आर. एम. गिरी (नागपूर), आर. टी. घोगले (अमरावती), ए. बी. जाधव (मुंबई) आणि एस. बी. वाळके (वसई-ठाणे) यांचा यात समावेश आहे.
तसेच ए. ए. अत्रे (नागपूर) यांची भुसावळ येथे नियुक्ती झाली आहे. जळगाव येथून एस. एस. घारे (कल्याण), एस. एस. परदेशी (स्मॉल कॉज कोर्ट, मुंबई) आणि के. के. चाफले (नागपूर) यांची बदली झाली आहे.

दिवाणी न्यायाधीश (कनिष्ठ स्तर) श्रेणीत आर. एस. मोरे (यवतमाळ) आणि डी. एम. पवार (गडहिंग्लज) हे जळगाव शहरात रुजू होत आहेत.
जिल्ह्यातील विविध तालुक्यांमध्ये एस. एम. चव्हाण (एरंडोल), पी. आर. पमनानी (अमळनेर), ए. एम. बागे (यावल), डी. एस. तांबे (भुसावळ) आणि ए. एम. कासिम (धरणगाव) हे अधिकारी रुजू होणार आहेत.

या बदल्यांमुळे येत्या काही आठवड्यांत नवीन न्यायाधीश पदभार स्वीकारणार असून, न्यायालयीन कामकाज अधिक गतिमान आणि प्रभावी होण्याची अपेक्षा व्यक्त केली जात आहे.