जळगाव महापालिकेत जन्म-मृत्यू दाखल्यांमध्ये मोठा घोटाळा

जळगाव महापालिकेत जन्म-मृत्यू दाखल्यांमध्ये मोठा घोटाळा

४३ जणांविरुद्ध गुन्हा दाखल

जळगाव (प्रतिनिधी) ;- जळगाव महानगरपालिकेच्या जन्म-मृत्यू नोंदणी विभागात बनावट दाखल्यांचा मोठा घोटाळा समोर आला आहे. तब्बल ४३ जणांनी तहसीलदारांच्या खोट्या सह्या आणि शिक्क्यांचा वापर करून बोगस दाखले मिळवल्याचे उघड झाले आहे. या प्रकरणामुळे प्रशासनाच्या कार्यपद्धतीवर गंभीर प्रश्नचिन्ह उपस्थित झाले असून, नागरिकांमध्ये संतापाची लाट पसरली आहे.

या घोटाळ्याची तक्रार नायब तहसीलदार नवीनचंद अशोक भावसार यांनी शहर पोलीस ठाण्यात नोंदवली असून, ४३ जणांविरुद्ध गुन्हा दाखल करण्यात आला आहे. या प्रकरणाच्या सखोल तपासाची मागणी जोर धरू लागली आहे.५० पैकी ४३ दाखले बोगसमहापालिकेच्या जन्म-मृत्यू नोंदणी विभागाने अलीकडेच ५० दाखले जारी केले होते. मात्र, तपासात केवळ ७ दाखलेच अधिकृत असल्याचे समोर आले आहे. उर्वरित ४३ दाखले बनावट असल्याचे स्पष्ट झाले आहे.

विशेष बाब म्हणजे, यापैकी ११ अर्जांची नोंद तहसील कार्यालयाच्या नोंदवहीतच आढळून आली नाही. हे अर्ज प्रत्यक्षात सादर न करताच बनावट सह्या आणि शिक्क्यांच्या आधारे दाखले तयार करण्यात आल्याचे उघड झाले आहे

.जळगावसह इतर शहरांतील नागरिकांचा समावेश

या घोटाळ्यात जळगाव शहरातील चांद महंमद प्यारजी बागवान, असलम खान सादिक खान, अशफाक बुढान बागवान, बुशरा खान मोहम्मद इस्लाउद, मोहसिन चांद मोहम्मद, निगार सुलताना हाफिज खान, समीर खान अयुब खान, नसरीन बानो आयुब खान, अफजल खान आयुब खान, नदीम खान हाफिज खान, शिरीष बानो फरीक शहा, आरिफ खान इसा खान, शहाआरिफ अहमद, समशेर बेग तुराब बेग, तोसिफ शहा जिनाउल्ला शहा, तुराब बेग गुलाब बेग, शहनाजबी शेख मुनीर, वाहेदाबी अब्दुल गणी, शोहरत अली शरीफ मुनसारी, शेख शांनदोस शेख इसाक यांच्यासह अनेकांचा समावेश आहे

.याशिवाय, नशिराबाद येथील कनिज रज्जाबी अब्दुल गणी, मुंबई येथील अब्दुल्ला अजगर अली सय्यद, यावल येथील खान असदुल्ला खान हाफिज तसेच जळगावातील नुसरत बानो, जबी उल्ला शहा, शहा अयाज अहमद अब्दुल अजीज, मोहम्मद वसीम जबी मुल्ला शहा, मोहम्मद जफर जबी उल्ला शहा, जनीक परविन अमानुउल्ला शहा, बिस्मिल्लाह खान, शेख सलीम शेख बशीर, शेख अनिल शेख बशीर, मोहम्मद अखिल शेख बशीर, मोहम्मद कलीम शेख बशीर, शरीफ नईमोद्दीन, मोहम्मद शकील शेख बशीर, अमरीन रशीद पटेल, जाकीर फकीर मोहम्मद तांबोळी, तबसून परविन मोहम्मद इकबाल, शेख मोहम्मद इकबाल अब्दुल रहीम, राहत नाच जबी उल्ला शहा, अंजूमबी शेख फरीद आणि तसलीमा बी शेख यासिम यांचाही सहभाग असल्याचे समोर आले आहे

.प्रशासनावर प्रश्नचिन्हया प्रकरणामुळे जन्म-मृत्यू नोंदणी प्रक्रियेची विश्वासार्हता धोक्यात आली असून, प्रशासनाने तातडीने कठोर पावले उचलण्याची गरज व्यक्त केली जात आहे. पोलिसांनी या घोटाळ्याचा तपास सुरू केला असून, लवकरच दोषींवर कारवाई होईल, अशी अपेक्षा आहे.