जळगाव सी.ए. शाखेत “बँक ऑडिट” चर्चासत्र

जळगाव सी.ए. शाखेत “बँक ऑडिट” चर्चासत्र

वित्तीय पारदर्शकतेवर भर

जळगाव :;– जळगाव शाखेत रविवार, दि. १६ मार्च २०२५ रोजी “बँक ऑडिट” या महत्त्वपूर्ण विषयावर चर्चासत्राचे आयोजन करण्यात आले. या चर्चासत्रात बँक लेखापरीक्षणातील तांत्रिक बदल, कृत्रिम बुद्धिमत्तेचा वापर, कर्ज लेखापरीक्षण आणि एन.पी.ए. मानदंडांवर सखोल चर्चा झाली.

कार्यशाळेचे उद्घाटनअरुणभाई गुजराथी आणि मा. आमदार . सत्यजीत तांबे यांच्या हस्ते झाले. प्रमुख वक्ते म्हणून मुंबई येथील . श्वेता जैन, पुणे येथील सी.ए. उदय कुळकर्णी आणि जळगाव येथील सी.ए. परीक्षित भदादे यांना आमंत्रित करण्यात आले होते.

सी.ए. व्यवसायाचे महत्त्व
कार्यशाळेच्या प्रारंभी जळगाव . शाखेचे अध्यक्ष हितेश आगीवाल यांनी चार्टर्ड अकाउंटंट्स हे वित्तीय प्रामाणिकतेचे रक्षक असल्याचे सांगितले. त्यांनी सी.ए. व्यवसायाच्या बदलत्या जबाबदाऱ्या आणि तंत्रज्ञानाशी सुसंगत राहण्याच्या गरजेवर भर दिला.

तांत्रिक सत्र आणि मार्गदर्शन
🔹 पहिले सत्र : सी.ए. उदय कुळकर्णी (पुणे) यांनी “बँक शाखेचे सी.बी.एस. आणि कृत्रिम बुद्धिमत्ता वापरून लेखापरीक्षण” यावर मार्गदर्शन केले. त्यांनी बँकिंग प्रणालीत कृत्रिम बुद्धिमत्तेचा वापर वाढत असल्याचे सांगत, ऑडिटमध्ये पारदर्शकता आणि अचूकता कशी वाढवता येईल, यावर चर्चा केली.

🔹 दुसरे सत्र : आर.सी.एम. श्वेता जैन (मुंबई) यांनी “कर्ज लेखापरीक्षण” यावर चर्चा केली. त्यांनी बँकिंग क्षेत्रातील बुडीत कर्ज, आरबीआयच्या नियमांचे पालन आणि कर्ज मंजुरी प्रक्रियेतील आवश्यक बाबी स्पष्ट केल्या.

🔹 तिसरे सत्र : . परीक्षित भदादे (जळगाव) यांनी “नियोजन आणि एन.पी.ए. मानदंड” या विषयावर सखोल मार्गदर्शन केले. त्यांनी बँक लेखापरीक्षणात योग्य नियोजन आणि एन.पी.ए. व्यवस्थापनाचे महत्त्व स्पष्ट केले.

अरुणभाई गुजराथी आणि आमदार सत्यजीत तांबे यांनीव्यवसायाच्या महत्त्वावर भाष्य करताना सांगितले की, बदलत्या आर्थिक आणि कायदेशीर परिस्थितीत चार्टर्ड अकाउंटंट्सना नेहमी अपडेट राहावे लागते. त्यांनी लेखा परीक्षकांच्या नियुक्ती प्रक्रियेतील पारदर्शकतेबाबतही आपले मत मांडले.

कार्यक्रमाच्या यशस्वी आयोजनात सी.ए. रोशन रुणवाल, सी.ए. सोहन नेहेते, सी.ए. लक्ष्मिकांत लाहोटी, सी.ए. नचिकेत जाखेटीया आणि सी.ए. हितेश जैन यांचा मोलाचा सहभाग होता.

कार्यक्रमाचे सूत्रसंचालन सोहन नेहेते आणि लक्ष्मिकांत लाहोटी यांनी केले, तर आभार प्रदर्शन . नचिकेत जाखेटीया यांनी केले. चर्चासत्रात सी.ए. सभासद व विद्यार्थ्यांनी मोठ्या संख्येने सहभाग घेतला.