जामनेरात शासकीय तूर खरेदी केंद्र सुरू

जामनेरात शासकीय तूर खरेदी केंद्र सुरू

ना. गिरीश महाजन यांच्या हस्ते शुभारंभ

जामनेर (प्रतिनिधी) : तालुक्यातील शेतकऱ्यांना तुरीला योग्य दर मिळावा यासाठी शेतकरी सहकारी संघाच्या माध्यमातून शासकीय तूर खरेदी केंद्राची सुरूवात करण्यात आली आहे. या केंद्राचा शुभारंभ राज्याचे मंत्री ना. गिरीश महाजन यांच्या हस्ते २९ मार्च रोजी संपन्न झाला.

शेतकऱ्यांना आधारभूत किमतीचा लाभ
या खरेदी केंद्रामुळे तालुक्यातील शेतकऱ्यांना शासकीय आधारभूत किंमतीत (MSP) तूर विक्री करण्याची संधी उपलब्ध झाली आहे. यामुळे त्यांना योग्य हमीभाव मिळण्यास मदत होईल. ना. गिरीश महाजन यांनी या प्रसंगी शेतकऱ्यांशी संवाद साधून कृषी धोरणांबाबत माहिती दिली आणि या योजनेचा अधिकाधिक लाभ घेण्याचे आवाहन केले.

तूर विक्रीसाठी शेतकऱ्यांनी नोंदणी अनिवार्य
शेतकऱ्यांनी आपल्या तुरीची विक्री करण्यासाठी शेतकरी संघाच्या कार्यालयात प्रथम नोंदणी करावी, असे आवाहन करण्यात आले आहे. हे खरेदी केंद्र जिल्ह्यातील कृषी क्षेत्राच्या विकासासाठी महत्त्वाची भूमिका बजावेल.

या कार्यक्रमाला जा.ता. एज्युकेशन सोसायटीचे सचिव जितेंद्र पाटील, डॉ. सुरेश पाटील, राजमल भागवत, बाबूराव गवळी, डी. डी. पाटील, सुनील कलाल, तसेच शेतकरी संघाचे संचालक, कृषी उत्पन्न बाजार समितीचे पदाधिकारी, भाजपचे कार्यकर्ते आणि मोठ्या संख्येने शेतकरी बांधव उपस्थित होते.