जीवे मारण्याची धमकी देत अल्पवयीन मुलीवर अत्याचार

जीवे मारण्याची धमकी देत अल्पवयीन मुलीवर अत्याचार

मध्यप्रदेशच्या तरुणावर गुन्हा

जळगाव (प्रतिनिधी) : जळगाव तालुका पोलीस स्टेशनच्या हद्दीतील एका गावात १५ वर्षीय अल्पवयीन मुलीवर दीर्घकाळ वारंवार लैंगिक अत्याचार झाल्याची धक्कादायक घटना उघडकीस आल्याने तालुक्यात खळबळ उडाली आहे. तालुक्यातील एका गावात पीडित मुलगी आपल्या कुटुंबाराह वास्तव्यास असून, साधारण सहा महिन्यांपूर्वीपासून ते २० राष्टेंबर २०२५ या कालावधीत मध्य प्रदेशातील उमरिया जिल्ह्यातील रहिवासी मुकेश साकेत याने तिच्यावर अत्याचार केल्याचा आरोप आहे.

पोलिस तपासानुसार, संशयित आरोपी मुकेश साकेत हा पीडितेच्या घरात घुसून तिव्या इच्छेविरुद्ध वेळोवेळी बळजबरीने शारीरिक संबंध प्रस्थापित करत होता. केवळ अत्याचार करून न थांबता, ही बाब कोणालाही सांगितल्यास जीवे ठार मारण्याची धमकी देत त्याने पीडितेला भीतीखाली ठेवले होते. या दहशतीमुळे पीडिता काही काळ गप्प राहिली. मात्र अखेर हा प्रकार उघडकीस आल्यानंतर १९ डिसेंबर २०२५ रोजी पीडितेच्या कुटुंबीयांनी जळगाव तालुका पोलीस ठाण्यात तक्रार दाखल केली.

तक्रारीच्या आधारे पोलिसांनी आरोपीविरुद्ध भा गुन्हा नोंदविला आहे. या प्रकरणाचा पुढील तपास पोलीस निरीक्षक शशिकांत श्रीराम पाटील यांच्या मार्गदर्शनाखाली सहाय्यक पोलीस निरीक्षक अनंत अहिरे करीत आहेत.