जी. एच. रायसोनी महाविद्यालयात “सेंटर ऑफ एक्सीलन्स”ची स्थापना : अल्ट्राटेक सिमेंटसोबत ऐतिहासिक करार

जी. एच. रायसोनी महाविद्यालयात “सेंटर ऑफ एक्सीलन्स”ची स्थापना : अल्ट्राटेक सिमेंटसोबत ऐतिहासिक करार

जळगाव | जी. एच. रायसोनी महाविद्यालयात अल्ट्राटेक सिमेंटच्या सहकार्याने “सेंटर ऑफ एक्सीलन्स”ची स्थापना करण्यात आली असून, या उपक्रमामुळे सिव्हिल इंजिनिअरिंग व टिकाऊ बांधकाम क्षेत्रातील संशोधन, प्रकल्प आणि प्रशिक्षणाला गती मिळणार आहे.

कार्यक्रमात बोलताना अरविंद महाजन यांनी या कराराला शिक्षणसंस्था व उद्योगातील आदर्श भागीदारी ठरवत विद्यार्थ्यांना प्रत्यक्ष उद्योग अनुभव, मेंटरशिप व टिकाऊ तंत्रज्ञानाची संधी मिळेल असे सांगितले. या भागीदारीमुळे महाविद्यालयाचे संशोधन वातावरण समृद्ध होऊन विद्यार्थ्यांची रोजगारक्षमता वाढेल.

रिजनल हेड बाळकृष्ण कुलकर्णी यांनी या करारामुळे विद्यार्थ्यांना रिसर्च, प्रॅक्टिकल ट्रेनिंग व इंडस्ट्री मेंटरशिप थेट मिळणार असल्याचे नमूद केले.

सेंटर ऑफ एक्सीलन्सची प्रमुख उद्दिष्टे :

सिमेंट व कॉंक्रिट तंत्रज्ञानातील संशोधन

टिकाऊ व पर्यावरणपूरक बांधकाम प्रकल्प

प्रशिक्षण, कार्यशाळा व प्रमाणन कार्यक्रम

संयुक्त संशोधन उपक्रम

स्मार्ट बिल्डिंग व ग्रीन टेक्नॉलॉजीवरील अभ्यास

या कार्यक्रमात उद्योजक, विद्यार्थी, माजी विद्यार्थी उपस्थित होते. सूत्रसंचालन प्रा. ज्योती जाखेटे यांनी केले.