जुन्या वादातून तरुणावर हल्ला; जीवे मारण्याची धमकी

जुन्या वादातून तरुणावर हल्ला; जीवे मारण्याची धमकी

तांबापुरा परिसरातील घटना; एमआयडीसी पोलीसांत अदखलपात्र गुन्हा नोंद

जळगाव, मागील भांडणाच्या कारणावरून तांबापुरा परिसरातील १९ वर्षीय तरुणाला शिवीगाळ करत मारहाण करून जीवे मारण्याची धमकी दिल्याची घटना उघडकीस आली आहे. या प्रकरणी एमआयडीसी पोलीस ठाण्यात अदखलपात्र गुन्ह्याची नोंद करण्यात आली असून पुढील तपास सुरू आहे.

मदरसा गल्ली, तांबापुरा येथील रहिवासी रेहान रफिक खाटीक (वय १९) हे दि. २८ रोजी रात्री सुमारे १० वाजेच्या सुमारास आपल्या परिसरात असताना संशयित यश योगेश माळी (रा. रामेश्वर कॉलनी) याने मागील वाद उकरून काढत त्यांच्याशी शिवीगाळ केली. त्यानंतर त्यांना मारहाण करण्यात आली तसेच जीवे ठार मारण्याची धमकी दिल्याचे तक्रारीत नमूद करण्यात आले आहे.

या घटनेनंतर रेहान खाटीक यांनी दि. १ रोजी एमआयडीसी पोलीस ठाण्यात धाव घेत तक्रार दाखल केली. त्यानुसार संशयित यश माळी याच्याविरुद्ध अदखलपात्र गुन्ह्याची नोंद करण्यात आली आहे. या प्रकरणाचा पुढील तपास पोलीस नाईक मनोज घुले करीत आहेत.